One Summer Love - "My Other Half" : Chapter 4

Chapter 4

[ DEMI’s POV ]

“Ang saya-saya nila noh?” Zyruz said.

“Oo nga. Para silang mga bata.” Lynuz said.

“Mukhang sila nga ang mas nag-eenjoy kesa satin.” Matt said.

 “Parang celebration pa ‘to ng reunion nila.” Ate Jonah said.

Nakangiti lang ako habang nakatingin sa pinag-uusapan nila. Nakasakay sa banana boat sila mama at papa kasama ang parents nila Zyruz. Habang kami na mga anak nila, nakaupo sa ilalim ng malaking umbrella habang may tig-isang hawak ng buko. At pinapanood sila.

“Bakit hindi natin sila hayaan? Let them enjoy. Ngayon na nga lang uli sila nagkita-kita, kokontra pa ba kayo? I-enjoy ninyo na lang ang mga buko ninyo. Gaya ko.”

Sunod-sunod silang napalingon sakin. Napapagitnaan nila ako. Sa kaliwa ko si Matt at katabi niya si Zyruz. Sa kanan ko si Ate at katabi niya si Lynuz.

“What are you looking at? May sinabi ba kong mali?”

“Dahan-dahan sa pagkain, Demi.” Ate Jonah said.

“Kung ayaw mong maulit ang nangyari kagabi.” dagdag ni Matt.

“Jonah’s right.” Lynuz said.

“Si Jonah lang, Kuya Lynuz?”

“And you, too, Matt.”

Nilingon ko si Zyruz. “Ikaw? Wala ka bang sasabihin?”

“Kakampi mo ko, Dems.”

“Dems?” ulit ni Lynuz. “Close na close na kayo, ah.”

“Inggit ka? Kung ako sa’yo, ‘tol, atupagin mo na lang—“

“Uy! Kilala ko ‘yon, ah!” singit ni Lynuz sa sinasabi ni Zyrus kasabay ng pagtayo niya. “Do’n muna ako. Madaming magagandang babae.”  Hinila niya si Matt.

“Hoy! Sa’n mo dadalhin ang kapatid ko?” sigaw ni ate.

“Akong bahala kay Matt!” pabalik na sigaw ni Lynuz.

Napailing na lang ako. “Nakababaero talaga niyang kambal mo. Yesterday, dala-dalawa ang kasama niya. Tapos ngayon, iba na naman.”

Nagkibit-balikat si Zyruz at humiga. “Hayaan mo siya. May pinagdadaanan lang ’yan.”

“Ano?”

“May kukunin lang ako sa cottage, Demi.”

Nilingon ko si ate. “Balik ka, hah. Baka magkulong ka na naman do’n.”

“May kukunin nga lang ako.” Umalis na siya.

Napasunod na lang ako ng tingin sa kaniya. “Ang sungit naman no’n.” Napatingin ako sa buko kong hawak. “Ubos na agad?” Kinuha ko ang bukong naiwan ni Matt ng agawin sakin ‘yon ni Zyruz.

“One is enough.”

“Fine.” Nilingon ko sina mama. “Gusto ko ding sumakay ng banana boat.”

“Let’s go.” Bumangon siya at hinila ako. “Dad!” Kinawayan niya ang magulang namin at pinalapit.

Maya-maya ay nakasakay na kami sa banana boat. Nasa dulo kami ni Zyruz. Nasa likod ako ni papa, nasa likod ko si Zyruz. Todo ang kapit ko kay papa. I don’t know how to swim. Pero may life vest naman ako kaya okay lang. Besides, nasa likod ko naman si Zyruz. Saka nakayakap ang isang kamay niya sa beywang ko kaya alam kong safe ako.

Nilingon ko siya. “Wag mo kong bitiwan, ah.”

Ngumiti siya. “Sure, Dems.”

Maya-maya.

“Woohooh!” sigaw ni Zyruz. Tawa lang ako ng tawa. Lalo na pag nagpa-flash sa mukha ko ang tubig.

Ilang minuto ang lumipas.

Sa biglang pagliko ng banana boat. Napabitiw ako kay papa. Sa lakas ng pwersa, nahulog ako sa banana boat. Pero may kasama akong nahulog. Hawak niya kasi ang beywang ko. Napakapit ako sa leeg niya.

“Ang saya bang mahulog?” nakangiti niyang tanong.

“Ba’t pati ikaw nahulog?”

“Sabi ko naman sa’yo diba? Hindi kita bibitawan.” He winked. Sunod-sunod akong napakurap. Hindi nag-floating ang puso ko. This time, nakikipagkarerahan siya sa paglangoy. Ang bilis, eh. “Okay ka lang, Dems?”

“Yeah. Yeah. Sumakit lang yung mata ko sa tubig.” dahilan ko.

“Patingin nga.” Hinipan pa niya ang mata ko.

OMG! Ano ba ‘tong ginagawa mo, Zyruz? Bakit ka ba ganyan? Baka mahulog ako sa’yo niyan.

Teka, mahulog agad sa kaniya? Eh, kahapon ko lang siya nakita. Mahuhulog agad?

Pero sino ba naman ang hindi mahuhulog sa kaniya? He’s so sweet. May pagkamayabang nga lang. Kaya siguro ang daming babaeng nagkakagusto sa kaniya. Hayyy... Hindi ako pwedeng mahulog sa kaniya. Hindi pwede. Patay ako kay papa. Study first before love-love-love.

Pero kasi... ngayon ko lang naramdaman ‘to.

Pero sa tingin ko, crush ko lang naman siya, eh. Oo. Tama. Crush ko lang siya.

“Okay lang kayo?” Napalingon ako kay papa ng huminto ang banana boat nila sa gilid namin.

Dahan-dahan akong humiwalay ng kapit sa leeg ni Zyruz. Iba kasi ang tingin ni papa do’n. “Yes, ‘Pa. We’re okay.” Pero mukhang hindi okay ang status ng puso ko. What am I gonna do?

= = = = = = = =

“Kainan na!” masayang anunsiyo ni Tito Ric. Nasa restaurant kami na nasa loob ng viscinity ng beach resort. Nagsimula na kaming kumain.

“Dems, try this one.” alok sakin ni Zyruz. “Masarap ‘yan.”

“Talaga? Patikim nga.” Inabot niya sakin ang plate ng ulam ng harangin ‘yon ni Matt. Napapagitnaan niya kasi kami ni Zyruz.

“Hindi ‘yan masarap, Kuya Zyruz.”

“It’s Lynuz, Matt.”

“Kuya Zyruz. I heard it ng kausapin ka ni Demi kanina.”

Ngumiti lang si Zyruz at tumayo hawak ang plate na inaabot niya kanina. Siya na mismo ang naglagay ng ulam sa plato ko. “Ang tindi ng bantay mo.” bulong niya pa sakin. Nagtatanong ang mga mata ko ng tingnan ko siya. Ngumiti lang siya at bumalik na sa upuan niya.

“Tol, ako din. Mukhang masarap ‘yan, eh.” sabi ni Lynuz. Kaharap siya ni Zyruz. at katabi niya si Ate na tahimik lang na kumakain.

“Edi kumuha ka.”

“Lagyan mo din ako sa plato ko.” parang batang sabi niya.

“Ano ka sinuswerte? Neknek mo!”

“Grabe ka ‘tol. Hindi ka naman ganyan dati, ah.”

“Don’t start, Lynuz. Baka ikaw ang mag-walk-out sating dalawa.”

Sa takbo ng usapan nila, parang may pinag-uusapan silang sila lang ang nagkakaintindihan. Hindi ko alam kung ano ‘yon. Ayoko ng magtanong dahil alam ko naman ang magiging sagot nilang dalawa. ‘Secret.’ Dahil kung makulit ako, mas sila. Lalo na pag-join force sila.

= = = = = = = =

Kinagabihan.

“Bakit kaya hindi tayo sinama nila mama?” tanong ni Matt. Lumabas kasi ng resort sila mama. At syempre, kasama sila Tito Ric.

“Hindi maganda ang kutob ko dito.” Ate Jonah said. “At ‘yon ang dapat kong alamin.”

Nilingon ko sila. Sunod-sunod kaming nakaupo sa hagdan sa labas ng cottage. Ako, si Ate at si Matt ang nasa taas. “Ayan na naman kayong dalawa. Isipin ninyo na lang na gusto nilang i-enjoy ang pagkikita nila. At magiging istorbo lang tayo sa kanila. Ano tayo? Chaperone? At ako na ang nagsasabi, mabibingi lang kayo sa walang katapusang kwentuhan nila. Why don’t we just enjoy? Bakit hindi tayo mag-videoke?”

“Ayaw.” sabay nilang sagot.

“Hmm... Pasukin na lang natin ang gubat na ‘yon? May nakikita akong mga pumupunta do’n kanina. Safe naman do’n dahil my trail tayong susundan.”

“Nakapasok na kami do’n ni Kuya Lynuz kanina.” Matt said.

“Talaga? Ba’t hindi kayo nag-aya? Kayo lang dalawa?”

“May kasama kaming mga babae.”

Nilingon ni ate si Matt. “I told you, Matt, na wag kang didikit do’n. Mahahawa ka lang sa pagka-playboy no’n.”

“Ouch! It hurts, Jonah.”

Sabay pa kaming napalingon sa nagsalitang ‘yon. The twins. Tiningnan ko sila. Si Lynuz ang nagsalita dahil hawak niya ang dibdib niya. Parang si Zyruz lang kung mag-inarte. Kambal nga talaga.

“I’m not talking to you. Wag kang epal.” sabay irap ni ate kay Lynuz.

Ngumiti lang si Lynuz. Sabay taas ng hawak niyang supot. “You want to drink, guys?”

“What? Alak ‘yang dala mo?” magkasalubong ang kilay na tanong ni ate.

“Light lang naman ‘to.”

“Kahit na!”

“I told you, Lynuz. Hindi sila papayag.” Zyruz said. “Besides, mga menor edad ang kasama natin.” Sakin siya nakatingin kaya alam kong ako ang pinariringgan niya. “Except kay Jonah.”

“I’m not a kid anymore!” I said.

“But still you’re a minor.”

“But not three weeks from now.” Binelatan ko siya.

“But now, you’re still a minor.”

“Simulan na natin ‘yan, guys.” singit ni Matt.

“Matt!” saway ni ate sa kaniya.

“Hindi naman tayo mag-lalasing, Ate.” Kinuha ni Matt ang dala ni Lynuz at pumasok ng cottage.

“Matt!” Sinundan siya ni ate. “Isusumbong ko kayo kina papa!”

“I told you, Zyruz. Papayag sila.” Lynuz said.

“But not Jonah.”

“Don’t mind my ate. She doesn’t drink kasi kaya ang KJ niya.” Hinila ko silang dalawa papasok ng cottage.

“Bawal uminom ang bata.” pahabol pa ni Zyruz.

“Bata your face!”

“I know. Baby face kaya ko.”

“Me, too.” singit ni Lynuz.

Humarang ako sa nakabukas na pintuan. I grinned. “Magsusumbong ako kina papa.”

“Kaya mo na ‘yan, ‘tol.” Yumuko si Lynuz at lumusot sa ilalim ng braso ko para makapasok sa loob.

Humalukipkip ang naiwang si Zyruz. “Dems.”

“I told you, I’m not a kid anymore. College na kaya ko.”

“Fine. Two shots.”

“Seven shots.”

“What?! Three.”

“Five.”

“Four.”

“Five.”

“Four.”

I pouted. “Ang sabi mo susundin mo ang gusto ko.”

“Fine. Five shots.” Ginulo niya ang buhok ko. “Ang kulit mo!” Hinawakan niya ang balikat ko at pinapasok sa loob.

Nilingon ko siya. “Pwede bang six shots na?”

Tinakpan niya ang tenga niya. “Wala kong narinig.” Nauna na siyang pumasok sa loob.

“Zyruz!”

 = = =

Meanwhile.

“Ano na kayang ginagawa nila ngayon?” tanong ni Ric habang nag-da-drive.

“For sure, nangungulit na naman ang kambal.” sagot ni Erica.

“Tama bang iwan natin sila?” tanong ni Peter. “Hindi kaya nagtaka ang mga ‘yon? Lalo na si Jonah.”

“Don’t worry, sweetheart. Nag-eenjoy na ang mga ‘yon.”

“At may tiwala naman ako sa kambal ko.” Ric said.

“At tama din bang mag-playing cupid tayo?” tanong uli ni Peter. “Si Demi, hindi ko pa siya pinapayagang mag-boyfriend because I want her to finish her studies first.”

“Sweetheart, we’re just giving them time para mas makilala nila ang isa’t isa.”

“Hindi naman natin sila pipilitin kung hindi nila magustuhan ang isa’t isa. Malalaki na sila. They can decide on their own.” dagdag ni Erica.

“Pero mas maganda kung matupad yung gusto natin nung mga college pa tayo.” Ric said, sabay lingon sa katabi nitong si Peter. “Right, pare?”

“Right.” Nilingon nito ang dalawang babae sa likuran ng van. “Yun din diba ang gusto ninyo? Kayo nga ang pasimuno ng pangakong ‘yon na kung sakaling mag-kaanak tayo ng babae at lalaki, imamatch-make natin, para maging mag-balae tayong apat.”

Nagkatinginan ang dalawang babae at napangiti.

“Pero pinapaalala ko lang, after college pa pwedeng mag-boyfriend ang Demi ko.” Peter added.

“How about our Jonah, sweetheart?”

“Cleo, alam nating never nag-entertain ng manliligaw si Jonah.”

“Ang sungit naman kasi ng anak nating ‘yon.”

 “Hindi siya masungit. Sadyang naka-focus lang talaga ang isip niya sa pag-aaral niya. Unlike Demi, napaka-friendly naman kasi ng isang ‘yon, mapa-lalaki man o babae. Siguro kung hindi ko lang siya pinagbawalang mag-boyfriend, nag-entertain na ‘yon ng manliligaw niya.”

“I don’t think so. Wala naman akong nakikitang nagustuhan niya sa mga kaibigan niyang lalaki.”

Nilingon ni Peter si Ric. “How about you, pare? Wala ba talagang girlfriend ang kambal mo ngayon?”

“Alam kong nag-ka-girlfriend sila. Pero ni isa, wala silang pinapakilala samin o dinadala sa bahay para makilala namin.”

“My question is kung may girlfriend sila ngayon?”

Napakamot ng noo si Ric. “W-wala.”

“Ba’t parang hindi ka sure?”

“Wala silang girlfriend ngayon.” sagot ni Erica. “I know my twins. Palibhasa kasi, nagmana sila sa’yo, Ric.”

“Hon naman!”

Napuno ng tawanan ang loob ng van.

“So, sa’n tayo ngayon?” maya-maya ay tanong ni Peter.

“Mag-bar hopping tayo.” sagot ni Ric.

“Hindi na tayo teenager, hon.” Erica said.

“Teenager lang ba ang nagba-bar hopping, hon?”

“Then let’s go!”

“Alright!”

= = =

>>>CHAPTER 5 HERE

One Summer Love - "My Other Half" | Chapter 1 | Chapter 2 | Chapter 3
Chapter 4 | Chapter 5 | Chapter 6 | Chapter 7 | Chapter 8 | Chapter 9
Final Chapter 1 | Final Chapter 2