9: Abogagas!!!
▪◊▪The Brainy POV▪◊▪
“Kailangan
na naman nating pumasok, pwede bang mag-cutting classes muna tayo?” tanong
ni Pumpkin na halatang wala sa mood mag-aral.
Si Pepper masyado syang busy sa
paglalaro sa phone nya, kaya wala syang pakelam sa kahit na ano na nasa paligid
nya. Si Muffin naman ayun, busy sa pagta-thumbsuck nya.
“Wag
ka ngang bad influence Pumpkin, mabait kami kaya wag mo kaming idamay jan sa
katamaran mo.” Sabi ni Pepper kay Pumpkin ng hindi man lang nya tinitingnan
ang kausap. “Ginger, pahingi naman ako
ng pretzel mo.”
Hindi ko nga pinansin, hindi kasi
kumuha sa kusina bago umalis tapos ngayon yung baon ko yung trip nya. “Bumalik ka sa bahay at dun ka humingi ng
pretzel.” Inilabas ko yung isang pretzel stick at ipinakita ko kay Pepper
habang sinasawsak ko sa Nutella na baon ko din.
Papunta na naman kami ng University,
at paniguradong para na naman kaming art piece na ibinandera sa museum. Ewan ko
ba sa kanila, hindi ko talaga sila ma-gets kung bakit panay ang tingin nila sa
aming apat. Hindi naman sila taga-bundok na ngayon lang nakakita ng
magkakamuka.
“Ginger,
ang kadamutan hindi yan magandang asal. Isusumbong kita kay Dade kapag hindi mo
kami binigyan nyan.” Gising na pala ang antukin kong kapatid, at nakuha pa
akong takutin ha. “Share your blessings
Gingy, pagpapalain ka ni Lord.”
Pinagpapala? Eh bakit nung bigyan ko
si Mame at Dade ng regalo hindi naman ako pinagpala ah, nakutusan pa nga ako
eh. Paano pa ako maniniwala sa mga sinasabi nitong kapatid ko?!
“Kung
ayaw mo kaming bigyan nyang pretzel sticks mo, ilibre mo na lang kami ng ice
cream. Strawberry flavour saken.” Katakawan talaga nitong si Pumpkin oh.
“Grapes
flavour sa akin, kasi violet!” singit naman ni Pepper.
“Coffee
flavour ang sa akin.” biglang sabi ni Muffin na tinataas pa ang kamay na akala
mo sasagot sa recitation. “Bawal
manghingi ah!”
Parang kanina lang sinabi nya na ang
kadamutan ay hindi magandang asal, tapos ngayon ayaw nyang mamigay!
“Muffin,
ang kadamutan ay hindi magandang asal. Share you blessings, pagpapalain ka ni
Lord.” Naka-ngisi kong sabi sa kanya.
“Nagamit
ko na yon, umusip ka ng ibang magandang asal!” sumagot pa talaga ang bruha.
“Nandito
na tayo!” biglang sabi ni Tatay Unyo.
Nagmamadali naman kaming apat na
lumabas ng sasakyan para ipagpatuloy yung debate namin tungkol sa kagandahang
asal. Keber na lang sa mga pinag-mamasdan kami.
“Anong
flavour ng ice cream ang gusto mo Ginger?” tanong sa akin ni Pepper.
“Durian
flavour.”
“Yuuuuuuuuuuuuuuuuuuuuucccccckkkkk!!!”
maateng sabi nila na parang masusuka pa.
Dinedma ko na lang silang tatlo, at
naglakad na kami papunta sa CBP building kung saan nandoon ang room namin.
Hello hindi ko type ang durian, ang baho kaya nun. Kawawa naman si Muffin kapag
naging favourite ko yun dahil araw-araw syang madadala sa ospital.
“Good
morning class.” Bati sa amin nung kadarating lang na si Mr. Tuviera. “I have an announcement to make. I would
like to inform all of you that we will have an exam the day after tomorrow. The
top four scorers of the exam will represent our school in a debate
competition.”
Parang gusto ko yatang maging part
nung debate competition na yon, parang magagamit ko dun yung pagiging abogaga
ko.
“Mga
kapatid, mag-aral tayong mabuti para tayo yung maging representative ng school
sa debate na yun.” They just give me ‘are you nuts?’ look. Katamaran talaga
nitong tatlo na to eh. “Magagamit natin
yung pagiging abogago nating apat, pwede pa tayong makipag-pustahan kila Dade.”
“Talaga?”
sabay-sabay nilang tanong.
Mahilig kaya kaming lahat sa pustahan,
at kapag si Dade ang kapustahan namin laging kami ang panalo. Ibinalik na namin
yung atensyon namin dun sa nagsasalita, mamaya na kami magpa-plano kung paanong
kaming apat ang magiging top scorers sa exam bukas.
▪◊▪The Moody POV▪◊▪
Yeahbah! May magaganap na namang
pustahan sa pagitang naming apat at ni Dade. Ano nga kaya ang magandang deal
para sa pustahan ngayon. Si Mame na lang kaya ang ayain namin ng pustahan,
tutal lagi namang talo si Dade eh. Wala na syang kwentang kapustahan.
“Sigurado
ka ba Ginger na kailangan pa nating sumali dun sa debate na yon? Punong-puno na
ang schedule natin. Baka nakakalimutan nyo, kailangan pa nating hanapin yung
mga tandadush na gumawa ng lahat ng paninira para lang ibintang sa atin.” Naiinis
na sabi ni Muffin.
Kaya nagkaka-ganyan yan kasi kailangan
pang magreview, at kapag nagreview we need to stay awake until past mid-night.
Syempre ayaw nya ng ganun since she really loves sleeping.
“Ayoko
nyang naisip nyong salihan!” si Pepper umepal na naman. “Ok lang makipag-pustahan kay Dade, pero
hindi ko ipangangalandakan ang potential ko sa pagiging abogada.”
Feeling naman ni Pepper talagang may
potensyal sya. Puro kaululan lang din naman ang alam ng isang yan, ano bang
alam nyan sa mga Republic Act at Presidential Decree.
“Alam
mo kasi Pepper, kapag tayo ang naging representative ng university
makokonsensya sila sa mga ginawa nila kay Muffin at sa pagbibintang nila sa
atin na salot tayo.” Paliwanag ko sa kanila.
“Wag
nyo ngang magamit-gamit na excuse yung moment ko, di yan uubra. Saka as if
namang may konsensya yung matandang si Erlinda Brigino.” Bitter na sabi ni
Muffin. “Saka malay ba natin kung anong
pwedeng maging topic sa debate na yon. Malay nyo tungkol sa love ang debate, eh
di talo na agad tayo.” Hindi naman halatang ayaw nya talagang sumali diba?
Pero kung tutuusin tama naman sya,
malay mo nga naman tungkol sa love ang issue. Nganga kami dun, super clueless
kami tungkol sa bagay na yon. Ayoko na nga din sumali.
“Ginger
wag na tayong sumali, di yun masaya. Gawa na lang tayo ng ibang pustahan.”
Sya kanina yung namimilit, tapos
ngayon ayaw na nya! Kita mo yang si Ginger, pang-artista din ang isang yan eh.
Saksakan ng arte eh, nag-puppy eyes na naman ang lintik na yan. Weakness pa
naman naming tatlo ang mangiyak-ngiyak na si Ginger, muka talaga syang kawawa.
“Hay
nako Gingy, wag mo kaming daanin jan sa ‘One liter of tears’ mong drama.”
Si Pepper yan, ang may pinaka-matigas na puso kapag duma-drama si Ginger. “Kapag binigay mo sakin yung one month
supply mo ng Patchi chocolates, sige papayag na ako sa gusto mo.”
Tangina, bakit hindi ko agad naisip na
gawing kapalit yun ng pagpayag ko? “Di
na no, mas mahal ko ang mga chocolates ko kesa sa pakikipag-pustahan kay Dade.”
Sagot naman ni Ginger.
“Oh
tapos na ang meeting natin, oras na para maglaro.” Biglang sabi ni Muffin.
Patakbo pang lumabas si Muffin sa
detention room papunta sa playroom. Panigurado yung laro na naman ni General
Aladeen, yung espadahan, yung pagalinganan sa pagpatay nung kawal. Titingnan
mong ganyan si Muffin, brutal yang kapatid namin na yan.
Sumunod naman kaming tatlo sa bruhang
si Muffin, kasi gusto rin naming maglaro ng ganon. Malaki nga ang posibilidad
na maging most wanted criminal kaming apat eh. Praktisadong-praktisado na kaya
kami, pwede na ngang pandayo at ipadala sa North Korea eh.
“Pucha
Muffin, ibang klase ka talaga! Isa kang mahusay na kriminal!” sigaw naming
tatlo!
No comments:
Post a Comment
Say something if you like this post!!! ^_^