Love at Second Sight : Chapter 30

CHAPTER 30

( Princess’ POV )

Nasa hapag-kainan na sila. Si Aeroll na lang ang hinihintay nila.

“Akala ni Princess, sinusundan mo siya?” natatawang tanong ni lola kay Jed, na nasa tabi niya.

“Yun pala parehas lang kayo ng pupuntahan.” dugtong ni lolo.

“Opo. Napagkamalan pa kong stalker.” sagot ni Jed. Nalaman niyang bestfriend pala ito ni Aeroll. Bagay ang dalawa dahil pareho itong mga pilosopo at antipatiko. She wondered kung paano mag-usap ang dalawang ‘yon.

Nilingon niya ito. “Hindi ko naman kasi alam na dito din ang punta mo.” sambit niya.

“Hindi ko din alam na hindi ka taga-rito.” pang-gagaya nito sa tono ng boses niya. Hindi man lang ngumiti ang loko. Ang damot!

“Teka, nasan na ba si Prince? Bakit hindi pa bumababa?” tanong ni lolo.

“Tatawagin ko na po, lolo.” Tumayo si Harold, pero bago ‘yon, tiningnan muna siya nito. Pilyo itong ngumiti.

Kumunot ang noo niya. Mukhang may kalokohan na naman itong naiisip, ah.

Ilang saglit lang ang lumipas ng bigla na lang siyang masamid. Sunod-sunod pa siyang umubo. Mukhang may nakaalala sakin, ah.

“Okay ka lang?” tanong ni Cath.

Tumango lang siya. “I-inom l-lang a-ako n-ng t-tubig. E-excuse m-me p-po.”

Dumeretso siya ng kusina. At uminom ng tubig. Naubos niya ang isang baso ng madinig niya ang malakas na boses ni Aeroll.

“Anong nangyari kay Princess?!”

Kumunot ang noo niya. Anong nangyari sakin? Nasamid lang naman ako. Saka bakit parang may concern siyang nabasa sa tanong nito.

Kasunod ng tanong ni Aeroll ay nadinig niyang tumawa ng malakas si Harold.

Lumabas na siya ng kusina. Nakita niyang nakatayo si Aeroll. Mukhang halos kakatapos lang nitong maligo dahil tumutulo pa ang buhok nito.  “Bakit?” tanong niya.

Napalingon ito sa kaniya. Tumawa na naman si Harold. Masama ang tinging nilingon ito ni Aeroll. “You…”

“Yes insan. Me.”

Nagtatakang napatingin na lang siya sa mga ito. May nangyari bang hindi ko alam? May tsismis ba akong nakaligtaan?

“Ano bang nangyayari sa inyong magpinsan?” tanong ni lolo.

“Apo, gutom ka na ba at sa sobrang pagmamadali mo baligtad pa ang damit mo? Nakakahiya sa bisita.” wika ni lola. Napatingin siya sa damit ni Aeroll. Baligtad nga ang suot nitong damit.

Napalingon si Aeroll kay Jed. Mukhang ngayon lang nito napansin ang kaibigan nito.

“Long time no see, pare.” nakangiting bati ni Jed. Himala! Ngumiti siya. Mas gwapo pala ito kapag nakangiti. Pero kahit ganon, mas gusto pa din niya si Aeroll. I mean, mas okay pa din si Aeroll. Pilosopo at antipatiko man minsan, hindi ito tipid ngumiti katulad nitong Jed na ‘to.

“Pare! Kailan ka pa bumalik?” Mabilis na lumapit si Aeroll sa tumayong si Jed. Nagyakap pa ang mga ito.

Agad na humiwalay si Jed dito. “Whoah! Masyado mo ba kong na-miss at talagang baligtad pa yang t-shirt mo?” natatawang tanong nito.

“Kasalanan niyang Harold na yan!” paninisi ni Aeroll sa pinsan nito.

“Malay ko bang…” Tiningnan siya ni Harold.

“What?” tanong niya. Para kasing may kinalaman siya sa pinag-uusapan ng mga ito, eh.

“Wala naman, Princess.” nangingiting sagot nito.

“O sya, tama na muna yan. Baligtarin mo muna yang damit mo, apo, at kakain na tayo.” singit ni lolo.

Ang akala niya ay aakyat sa kwarto si Aeroll para baligtarin ang tshirt nito. Pero hindi, lumayo lang ito ng bahagya sa kanila bago nito hubadin ang tshirt nito, binaligtad at isinuot. Nakita tuloy niya ang abs nito. Umiwas siya ng tingin. Ang yabang talaga. Ipagmalaki pa yung katawan. Pero infairness, perfect abs.

Princess, ano yan hah. saway ng isip niya.

“Nothing change huh. Ang yabang mo pa din.” wika ni Jed.

Natatawang nagkibit-balikat lang si Aeroll.

“Ikaw talaga apo, ganyan din kaya ang katawan ko nung kabataan ko.”

“Ako din, ganyan din ang katawan ko. Mas maganda pa dyan. Wanna see it?”

“Wag na, honey. After na lang nating kumain, baka mawalan kami ng gana, eh.” kontra ni Cath kay Harold.

Nagtawanan sila sa sinabi nito.

“O sya. Tara na’t magsikain na tayo at baka kung san pa mapadpad ang usapan natin. Mamaya na lang tayo magkwentuhan sa hardin.” wika ni lola. “Umupo na kayo ni Aeroll, Princess.”

Lumapit na siya sa pwesto niya kanina sa tabi ni Jed nang unahan siya ni Aeroll. Hinawakan nito ang upuan. “Dito ko.” wika nito.

Tiningnan lang niya ito. Ang arte talaga kahit kailan. Kung wala lang sila sa harap ng pagkain, nasagot na niya ‘to. Mamaya ka sakin.

Uupo na sana siya sa tabi ni Jed sa bandang kaliwa nito ng magsalita uli si Aeroll.

“Dito ka.” wika nito, sabay hawak sa upuang nasa tabi nito.

“Ano bang problema mo? Kagabi ka pa.” bulong niya na ito lang ang makakadinig. Nang kumakain kasi sila kagabi ng dinner, wala itong ginawa kundi ang inisin siya. Hindi naman yung lantarang iniinis siya, pero parang nananadya itong banggitin ang ’tagos’ word sa mga sinasabi nito. Kaya bilang ganti, tuwing magsasalita siya, sinisingit niya ang ‘layo pa’ word para ipaalala dito ang ginawa niyang pangti-trip dito.

“Wala naman.” nakangiting sagot nito.

“Ehem!” sabay silang napalingon ni Aeroll sa mga ito. Nakangiti ang mga ito at tila natutuwa sa nakikita.

“Is she your girlfriend, pare?” tanong ni Jed.

Nagkatinginan sila ni Aeroll. May nabasa siyang kung ano sa mga mata nito pero hindi naman niya maipaliwanag.

Umiwas siya ng tingin. “No.” Siya na ang sumagot. Umupo na siya sa tabi ni Aeroll.

“Pare? Umupo ka na.” untag ni Jed kay Aeroll na nakatayo pa din sa likuran niya.

“Hah?”

“Anong hah?”

“N-no.” mahinang sagot nito.

“Anong no? Ayaw mong umupo? You’re acting weird, pare. Three years lang tayong hindi nagkita, lutang ka na.”

“Ah, uupo ba? Akala ko…” Umupo na din ito sa pagitan nila ni Jed.

“Akala mo ano, insan?” tanong naman ni Harold.

“Wala. May kasalanan ka pa sakin.” sagot ni Aeroll.

Hindi na lang niya pinansin ang mga ito. Sumandok siya ng sinangag at nagugutom na siya sa paglakwatsa niya kanina.

* * * * * * * *

Nandito sila ngayon sa hardin nina Harold at Cath. Nasa loob sina lolo at lola. Nasa verandah naman at nag-uusap ang mag-bestfriend na si Aeroll at Jed.

“Princess, may sasabihin ako sa’yo.” wika ni Harold.

“Ano ‘yon?”

“Alam mo ba kanina—aray naman honey!” Piningot kasi ito ni Cath sa tainga nito.

Pinanlakihan ito ng mga mata ni Cath. “Wag mo ng i-kwento.”

Inakbayan ito ni Harold. “Okay, sabi mo, eh.”

Kumunot ang noo niya. “Ano ba ‘yang sikretong malupet na ‘yan? Ba’t ayaw ninyong sabihin?”

“Wala ‘yon, bhest. May ginawa lang kalokohan si Harold kanina.”

“Ba’t ayaw ninyong i-share? Ang damot ninyo!”

Nagkatinginan ang mga ito. Tumango si Cath kay Harold. “Pinagtripan ko kasi si Aeroll kanina nung sinundo ko siya sa kwarto niya.” sagot ni Harold.

“Tapos?”

“Sinabi kong nawawala ka.”

“What?” Iyon ba ang naabutan niyang eksena kanina paglabas niya ng kusina?

“Ang lakas ng tawa ko ng makita ko ang reaksyon ng mukha niya. Grabe talaga. Para siyang…ano..basta.” natatawang wika nito. “Kulang na lang lamunin ako ng buhay lalo ng tawanan ko lang siya.”

“Anong itsura niya kanina, honey, ipakita mo nga kay bhest.” sulsol dito ni Cath.

“Ganito oh.” Nilakihan nito ang mga mata nitong singkit. Kasabay ng panlalaki ng butas ng ilong nito. Ang lakas ng tawa nila ni Cath. Para kasing walang nangyari sa mukha nito. Para lang itong di-maihi na ewan.

Sumimangot si Harold. “Sige lang, tawa pa.”

Tumigil na sila ni Cath sa paghalakhak. 

Nagkulitan na lang ang mga ito.

Habang siya… Aeroll was so worried ng malaman niyang nawawala ako. Iyon ang ibig sabihin  ng sinabi ni Harold. Bakit? Hindi naman—

Napalingon siya sa gawi nina Aeroll ng makadinig siya ng sigaw ng babae. Deretsong yumakap ito kay Aeroll. Aeroll lang ang tawag nito kay Aeroll ayon sa nadinig niya. Kumunot ang noo niya. Ito siguro ang kutsarang nahulog kanina. Sino siya?

* * *

[Disclaimer: Photo/s in this chapter were edited by Aiesha Lee. Credit goes to the owner/s of the original photo/s used.]

Laugh trip ba? >>>Face to Face w/ Mang Doro

A Kiss : Epilogue

Dreaming : Finale

>>> CHAPTER 31 HERE