Monday, November 26, 2012

Wizard's Tale : Cursed Tribe of Snow Vetters

:Cursed Tribe of Snow Vetters:



Nadamay lang noon ang Snow Vetters Tribe nang magsimula ang isang digmaan sa pagitan ng Lux at Dark Sorcerers.



Ang mga Hollowick kasi ang nagturo noon sa tribo nila sa paggamit ng black magic kaya naman bilang pagtanaw ng utang na loob, kasama silang lumaban para talunin ang Lux.



Ngunit sa katapusan ng digmaan, nanalo ang Lux sa pamumuno ng Auserwalt Family. Bilang hatol sa mga Hollowick, panghabang-buhay na silang ikukulong sa Atreria.



At tanging sila lamang ang nabigyan ng ganitong hatol.



Lahat kasi ng mga nadamay sa gulo, kabilang ang Snow Vetters, ay binigyan ng pagkakataon ng Auserwalt na makapagbagong buhay.



Dahil dito, nagalit ang mga Hollowick at hindi sila pumayag na bumagsak nang sila-sila lang.



Bago sila naikulong sa Atreria, isinumpa ng leader nila ang lahat ng mga kakampi nila noon na hindi sila kailanman makakagamit ng normal na kapangyarihan maliban sa Dark Sorcery.



Hindi man naisama sa kulungan ang Snow Vetters at ilan pa, hindi naman sila magiging ganap na kakampi ng Lux. Hindi sila makakabangon at hindi nila magagawang kalimutan ang kadiliman.






Nagpatuloy ang sumpa sa mga sumunod pang henerasyon.



Sinabihan sila noon ng White Light Clan na mamuhay na lang ng hindi gumagamit ng Dark Sorcery ngunit lubhang mahirap na mamuhay sa Otherworld ng hindi gumagamit ng kapangyarihan.



Dahil dito, nagtago na lang ang buo nilang tribo kung saan malaya silang mamumuhay gamit ang kapangyarihang tangi nilang sinasandalan.






Nagkaroon ng pagbabago sa kanilang angkan nang maipanganak si Clerion. Bata pa lamang ito, umaasa na siyang may pagkakataon pang lumaya ang angkan nila sa sumpa ng mga Hollowick.



Napapagod na siya sa buhay nilang laging nagtatago, palipat-lipat at kinukutya ng lahat.



Nang tumuntong siya sa tamang edad, nagpasya siyang iwan ang Snow Vetters Tribe sa pag-asang maaring may paraan na ang Lux para matanggal ang sumpa.



Ngunit sa balitang nagkawatak-watak na ang White Light Clan at nawawala ang kasalukuyang tagapagmana, halos gumuho na noon ang pangarap ni Clerion. Pinili niyang wag umuwi sa tribo niya hangga’t wala siyang dalang magandang balita.






Sa di-inaasahang pagkakataon, napadpad siya sa isang lugar na tubig at nyebe ang pangunahing Elementong ginagamit, at kilala sa tawag na Castle of Eiskalt. Nalaman niyang pinamumunuan ito ng mga Glaciever, ang Fourth Family of Lux.



Noong una ay kalaban ang tingin sa kanya, ngunit napatunayan ni Clerion sa kasalukuyang leader doon, si King Roland, na wala siyang dalang kahit na anong problema.



Inialay niya ang kanyang buong katapatan sa pagsasagawa ng naiibang ritwal at pagpirma sa isang life contract. Naging oracle din si Clerion ng anak ni King Roland na si Prince Rouel Glaciever.






Matatapos lang ang kanyang paglilingkod sa prinsipe kapag nahanap na nila ang nawawalang prinsesa ng Lux. At matatapos lang ang kanyang misyon kapag nasabi at napapayag na niya ang prinsesa sa kanyang kahilingan.





Thing to remember:
  • Snow Vetter ang tawag sa kanila dahil kulay snow ang mga balat at buhok nila. Pero hindi nila kayang kontrolin ang yelo. Tulad nga ng sabi sa sumpa, Dark Sorcery lang ang alam nilang magic.

6 comments:

  1. Ang nice naman pala talaga ni Clerion.
    Ang gwapo pa.
    Yun pala ang dahilan kung bakit siya naglilingkod for Prince Rouel.

    ReplyDelete
  2. lalo aq naiinluv kei clerion ksi good-hearted nmn tlga siya! kumbaga ung tma lng nman din ksi ung ginwa nia noon s auntie ni yana na paepal diba???

    ReplyDelete
  3. mapapalaya ka rin sa curse na yan clerion. tiwala lang kay yana!

    ReplyDelete
  4. clerion is one of the most remarkable and unforgettable character in this story! and the fact na ganun yung angkan niya but he's kind hearted, what a twist!

    ReplyDelete

Say something if you like this post!!! ^_^