Love at Second Sight : Chapter 65

CHAPTER 65

( Princess’ POV )

“Hmm...” Niyakap niya ang unang nasa tabi niya. Unti-unti niyang iminulat ang mga mata niya. Napangiti agad siya ng maalala niya ang nangyari kagabi bago siya tuluyang makatulog. Wala na si Aeroll sa tabi niya.

Tiningnan niya ang wall clock. Eight am na. Nag-inat siya at dahan-dahang bumangon. Dumeretso siya ng restroom na nasa loob ng kwarto niya. Matapos gawin ang morning rituals niya ay lumabas na siya ng kwarto.

Pagbaba niya sa sala, nagulat pa siya ng makita niya si Cath at Harold na mahimbing na natutulog sa nakalatag na comforter. Dito pala natulog ang mga ito.

“Thank you, guys.” Alam niyang malaki ang naitulong ng mga ito sa kanilang dalawa ni Aeroll. And speaking of Aeroll, nasa’n kaya ‘to?

May naamoy siyang amoy ng bawang na niluluto. Pumunta siya ng kusina. At nakita niya ang hinahanap niya. Suot pa nito ang apron niya. Magulo din ang buhok nito. Naka t-shirt ito. Teka! T-shirt niya ang suot nito, ah. Yung maluwag niyang t-shirt na sinusuot niya kapag nandito siya sa bahay. Minsan na siyang naabutan ni Aeroll na suot ‘yon, eh. Naghalungkat siguro ito sa closet niya.

Mukhang naramdaman nitong may nakatingin dito. Napalingon ito sa kaniya. Ngumiti ito. “Good morning, Prinsesa.”

“Bakit suot mo ‘yan?”

“Eto? Wala lang. Gusto ko, eh.”

Lumapit siya dito. Umupo siya sa upuan. “Sa’n ka natulog?” Iniwan nito ang niluluto nito at umupo sa katapat niyang upuan.

“Sa tabi mo.” nakangiting sagot nito.

“Saan?”

“Sa sala. Sa sofa.” natatawang sagot nito. “Ang bilis mong makatulog, ah. Sabi ko naman sa’yo, mas maganda ang human pillow, eh.” Tinitigan siya nito. “How’s your sleep?”

“Okay lang.”

“Talaga? Okay lang? Mahimbing ba? Hindi ka ba nangawit? O ano?”

Natatawang inirapan niya ito. “Tigilan mo nga ko.“ Tinawanan lang siya nito.

Pagkatapos ng sealed kiss nila, mahigpit lang siya nitong niyakap. Hanggang sa tuluyan siyang makatulog. Talagang hinintay siya nitong makatulog bago siya nito iwan sa kwarto niya.

Dinutdot niya ang noo nito. “Tawa ka ng tawa dyan. Yung niluluto mo.”

“Oops!” Binalikan nito ang niluluto nito. Tumayo siya at lumapit dito. Fried rice ang niluluto nito. “Gutom ka na ba?” tanong nito.

Biglang kumalam ang sikmura niya. “Medyo.”

“Saglit na lang ‘to. Nakialam na ko sa mga stock mo sa ref kanina. I cooked hotdog, egg, and bacon.”

“Okay lang.” Sumandal siya sa mesa. “Dito rin pala natulog sina bhest.”

“Yap. Pagbaba ko kagabi, naglalaro sila ng baraha.”

“Anong laro?”

“Ungguy-ungguyan.” natatawang sagot nito.

“At ang pinsan mo ang pasimuno.”

“Oo. Kahit kailan talaga ‘yon. Hindi ko alam kung anong oras na sila natulog dahil paghiga ko sa sofa, nakatulog agad ako.”

“Kaya pala hanggang ngayon, tulog pa din sila.” Nang may maalala siya. “Wala kang pasok?”

Nilingon siya nito. “I resigned.”

“What? Kailan?”

Binalik nito ang tingin nito sa niluluto nito. “Yesterday. Nang magkita tayo sa ospital.”

“Why?”

Sinabi nito ang dahilan. Na gusto nitong tumulong sa business ng Montelagro. Nabanggit na nito sa kaniya ang tungkol sa business ng pamilya nito. Pero hindi nito nabanggit na may balak pala itong mag-resigned sa trabaho nito bilang nurse.

“Hindi ba’t gusto mo ang trabaho mo?”

Nilingon siya nito. “Yes. But it doesn’t mean na dahil nagresign ako, hindi ko na pwedeng magamit ang profession ko. Pwede akong maging company nurse and at the same time, makakatulong ako sa business namin. It’s like hitting two birds in one stone.” He winked. “I’m done with the fried rice.”

“Hindi na kayo magkikita ni Chariz.” Tumalikod agad siya ng sabihin niya ‘yon. Kumuha siya ng bowl na malaki.  Hindi ito nag-react sa sinabi niya. Lumapit siya dito. Siya na ang nagsalin ang fried rice mula sa kawali. “Hmm... ang bango naman.”

“Ang bango mo din.” Sininghot ni Aeroll ang leeg niya. Muntik na niyang mabitiwan ang hawak niyang bowl kung hindi lang nito nahawakan ‘yon. “Ako na nga diyan.”

“Ako na.” Pinanlakihan niya ito ng mata. “Umayos ka kasi. Hindi pa nga ako naliligo, eh. Yang leeg mo kaya ang singhutin mo.”

Sinunod naman nito ang sinabi niya. “Hindi ko masinghot.” natatawang sabi nito. “Ang hirap.”

Natatawang napapailing siya sa ginagawa nito.  Nilapag niya sa mesa ang bowl ng fried rice. “Gisingin na natin sila bhest.”

“Later.” Niyakap siya ni Aeroll mula sa likuran niya.

“Aeroll...”

“I miss you. Kahit parang nung isang gabi lang nangyari ang pag-aaway natin. Ang pang-aaway ko sa’yo hanggang sa magkaayos tayo kagabi. Para sakin, napakatagal na no’n.” Humigpit ang yakap nito sa kaniya. He buried his face between her neck and shoulder. “I’m sorry kung siya ang nilapitan ko kahapon. I’m sorry If I look at you yesterday like your just somebody else. Ayoko lang na tingnan ka the way I always looked at you. Ayokong tingnan ka dahil natatakot akong makita sa mga mata mo ang totoo. Na totoong niloko mo lang ako.”

She sighed. “Hindi kita niloko.”

“I know now. First time lang kasing mangyari sakin ang gano’n. I don’t know how to deal with it. First time kong maramdamang masaktan ng gano’n. Ang sakit pala.”

She sighed. “I’m sorry. I’m really sorry.”

“I’m sorry, too.” He chuckled. “Para tayong sirang plakang paulit-ulit na nagso-sorry.” Iniharap siya nito. Seryoso ang mukha nito ng titigan siya nito. “Simula ngayon, lahat ng nararamdaman mo at lahat ng mararamdaman mo, lahat ng iniisip mo at lahat ng iisipin mo, gusto kong sabihin mo sakin. Kahit ano pa ‘yan. Kahit simpleng bagay pa ‘yan. Sabihin mo sakin.” Hinaplos nito ang pisngi niya. “Ayoko ng mangyari na mag-away tayo. At kung mag-away man tayo, we have to listen to each other explanations. Ayokong tapusin yung araw na hindi tayo magiging okay.”

Iniharap siya nito sa mesa. Pati ito tumabi sa kaniya at humarap din sa mesa. Hinawakan nito ang kamay niya. “Saksi ang mga hotdog, bacon, fried egg at fried rice. Starting today, I promise that I will tell my Princess everything. What I feel and what I think.”

Hindi niya alam kung matatawa siya o ano. Nang tingnan niya ito ay seryoso naman ito. Nilingon siya nito. “It’s your turn.”

“Ako? Gagawin din ‘yon?”

“Oo. Bilis na. Baka magising sina Harold. Isi-sealed pa natin yung pangako natin.”

Marami din naman siyang ka-weirduhan sa buhay. Kaya hindi na siya nagprotesta. Tumikhim siya. “Saksi ang mga hotdog, bacon, fried egg at fried rice. Starting today, I promise that I will tell Aeroll everything. What I feel and what I think.” She smiled.

Iniharap siya ni Aeroll. “And now let’s—”

“And now, I pronounce you as husband and wife!”

Sabay pa silang napalingon ni Aeroll sa pinagmulan ng boses na ‘yon. Si Harold at ang humihikab na si Cath. Nagising na ang mga ito.

“Hindi na tuloy natin na-sealed.” reklamo ni Aeroll sa kaniya.

“Sealed it with what?”

Ngumuso ito. Natatawang tinampal niya ang bibig nito. “Umagang-umaga.”

“Oo nga. Umagang-umaga ang cheesy ninyong dalawa.” singit ni Harold. Lumapit ito sa mesa. “Wow! Sinong nagluto?”

“Ako.” sabi ni Aeroll.

“Weh? Di nga?”

“Bawal kumain ang ayaw maniwala.”

“Sabi ko nga ikaw.” Nilingon nito si Cath na hikab pa rin ng hikab. “Honey! Tara na dito. Kumain ka na ng mawala ang antok mo.” Nang hindi ito kumilos ay hinila ito ni Harold at pinaupo. Umupo na din siya. Tumabi sa kaniya si Aeroll.

“Anong oras ba kayo natulog at mukhang puyat na puyat si Cath?” tanong niya.

“Alas tres ng madaling araw.” sagot ni Harold.

“Alas tres?”

“Si Harold kasi...” reklamo ng inaantok na si Cath. Nilagyan ni Harold ng fried rice ang plato nito. Gano’n din si Aeroll sa kaniya.

“Bakit ang tagal ninyong matulog?” Nang akmang kukuha siya ng bacon ay inunahan na siya ni Aeroll. Nginitian niya ito. “Thank you.”

“Nagpustahan kami...” sagot ni Cath.

Ngumisi si Harold. “The first one who will get one hundreds wins sa ungguy-ungguyan, siya ang masusunod sa kahit anong gustuhin niya. Sa kahit na ano.” dugtong ni Harold.

“Kaya pala inabot kayo ng madaling araw. Sinong nanalo?”

“Syempre ako.” nakangiting sagot ni Harold.

“Anong consequence ni bhest?” Sumubo siya ng fried rice.

“Gusto ni Harold ng isang dosenang anak.” Si Aeroll ang sumagot.

Muntik na niyang maibuga ang kinakain niya kung hindi niya lang natakpan ang bibig niya.

“Tinawaran ko na nga, eh. Lima na lang.” hirit pa ni Harold.

“Kawawa ang matris ko sa’yo, ah.” reklamo ni Cath.

“Seryoso sila?” pabulong na tanong niya kay Aeroll. Mukhang seryoso kasi ang usapan ng mga ito.

Tumango si Aeroll. “Kagabi pa lang. Seryoso na sila.” Pinunasan nito ang gilid ng labi niya. “May ketchup.”

“Thank you.”

“Ikaw, Prinsesa? Ilan ang gusto mong anak?”

“Ha… hah?”

“May naisip ako!” malakas na sabi ni Harold. Napatingin silang tatlo dito.

“Ano ‘yon?” sabay-sabay nilang tanong.

Ang lapad ng ngiti nito. “Paramihan na lang tayo ng anak in the future! Ang manalo may premyo!”

“Oo nga noh!” segunda naman dito ni Aeroll. “Ang galing mo talaga, insan!” Nag-high five pa ang dalawa.

Nagkatinginan sila ni Cath. Sabay nilang nilingon ang dalawa. At isang tumataginting na, “No!” ang sinabi nila.

Tinawanan lang sila ng dalawa.

* * *

>>>CHAPTER 66 HERE