Thesis Book II: Chapter 2: Delacroix

Chapter 2: Delacroix

Tuesday. Hindi talaga ‘ko makapaniwala na kahapon lang pinag-usapan pa naming magkakagroup sa Thesis I ang tungkol sa kontrobersyal na Thesis Book 10 years ago. At ngayong umaga ng Martes natagpuan ang bangkay ng kaibigan naming HRM na si Swaz at IT classmate and ka-team na si Aileen. Kung bakit ba kasi, nagpumilit pa si Aileen na hanapin ang Thesis (Student Copy) na yun sa abandoned building. Malas talaga ang book na yun. Tatlo ang copy ng book na pinapabookbind ng mga proponents ng team after defense: (1) ang library copy na sinunog noon, (2) student copy na natagpuan ngayon sa ibabaw ng bangkay ni Aileen at (3) ay sa IT Department. Swerte mang isipin dahil hindi ako sumama sa kanila sa halip dumiretso ako sa ospital dahil discharge kahapon ni Mama. Nakita ko pa nga ang Mama ni Rikku na lumabas sa Cardiology Room, babatiin ko pa sana kaya lang nagmamadali na kaming umuwe. Pansamantalang na-suspend ang klase ngayon dahil sa imbestigasyon. Punong-puno ang field ng mga estudyante a t kapulisan. Lahat kami nalulungkot sa nangyare. Sino kaya ang nasa likod ng pagpatay na ito? Masyadong brutal. Nakaririmarim. Bakit natagpuan ang librong yun sa crime scene? Anong motibo nya?

“Kung hindi mo tinuro kung nasa’n ang librong yun, hindi mangyayari sa kanilang dalawa ‘to, Rikku!” galit na sabi ni Zeus.

“Anong malay ko dun? Sinabi ko lang ang nalalaman ‘ko. Kung alam ko lang na ganito ang mangyayare, bakit ko naman gugustuhing mapahamak sila?!” depensa ni Rikku.

“What a crap! Referring to that stupid book of ten years ago? Guys, ano ba kayo? Hindi dahil nakita yung book na yun sa crime scene that doesn’t make sense para i-link sa urban legend na yun! So nonsensical!” taas kilay na tanong ni Keiko. Absent siya kahapon, isa pa naming ka-group sa Thesis I. Sa totoo lang, sang-ayon din ako sa kanya. Bakit ako magpapaniwala sa legend na yun na kesyo daw baka maulit muli ang serial killings tulad ng last ten years. Kalokohan!

“Anong malay nyo? Baka dahil sa book na yun, maulit muli ang urban legend.” seryosong sagot ni Wesley. Isa pa ‘to. Natahimik kami, paanong naiisip pa nya yun? Kamamatay lang nila.

“Hindi magandang biro yan, bro.” sabi ko.

“Malay mo Chuck, ikaw na pala ang susunod.” umakbay si Shone na nakangiti pa sa’kin. Absent din siya kahapon dahil player siya sa ligang sinalihan nya. Tinext pa niya ‘ko kahapon na nag-champion daw sila.

“Gago. Nagagawa mo pa talagang magbiro.” sabi ko. Inialis ko ang braso niya sa’kin.  Kumpleto kaming magkakagrupo ngayon na  nakikiusisa sa labas ng abandoned building. Ang dapat na 7 proponents ay 6 na lang ngayon. Rest in peace sa tumayong leader ng team—Aileen. Mahuli na sana ang hayop na killer na yun. Wala siyang kaluluwa!

“Saka pwede ba, tigilan nyo na nga si Rikku. Kung makabintang kayo kulang na lang pagdiinan nyong may kinalaman siya sa nangyare.” nagseryosong tono ni Shone. Nilapitan niya si Rikku.

“Nandito na’ko, okay?” sabi niShone na inakbayan si Rikku.Hindi ko alam kung ano na estado nila.

Lutang pa rin ang utak ko sa mga nangyari. One week na lang submission na ng proposed title, to be specific, sa Monday na and we need at least three titles in which isa lang naman ang ise-select ng IT adviser namin based on how we defend the best. As the assistant leader, ako ang nag-take over kay Aileen.

Biglang nagflashback saken ang huling eksena kahapon sa meeting ng buong team. Unang nagpaalam na umalis si Rikku going fastfood, sunod si Wesley dahil sa tryout at sunod ako going hospital. Tatlo na lang silang natira nun, si Swaz, Aileen at Zeus. Ang alam ko hindi palagay ang loob ni Zeus kay Swaz dahil pakiramdam ko karibal ang tingin nya dito. Bakit ko ba naiisip ‘to? Bakit sa isip ko parang pinagbibintangan ko na may kinalaman si Zeus sa pagkamatay ni Swaz? Kung sa bagay, kung siya nga yun bakit naman din niya papatayin si Aileen kung gusto niya ito? Bullshit lang. Bakit ko ba naiisip ‘to?

Wednesday.  Maaga akong nagdrive papuntang school. Wala pa ring balita tungkol sa krimen. Kahit kaming mga kaibigan nila Aileen at Swaz ay naimbitahan na rin ng mga imbestigador. Matapos ang isang dekada, ngayon lang ulit may nangyaring ganitong krimen sa loob ng university. Nagpatawag pa ng general meeting ang buong school kaninang umaga para sa insidenteng nangyari.

Nag-start ang klase sa Thesis I, pinag-usapan ang pagkawala ng classmate naming si Aileen. We offered a short  prayer for her. Rest in peace. Nag-discuss lang ng konte at napag-usapan ang isang group na sa halip consist of 7 ay 8 sila. Since anim na lang kami, ang isang excess sa kanila ay mapupunta sa’min. Nag-attendance check at wala na naman sina Keiko at si Shone. Tss..

“Margaux Luther” anounce ni Professor Collins matapos niyang mabunot yung papel.

“You’ll be joining the team of Mr. Chuck Evans.” sabi ni Sir.So kung ganun, siya’y part na ng team.

“Yes sir.” pagsagot niya. Nginitian ko na lang siya. Transferree siya dito kaya wala kong masyadong alam sa kanya.

 “Okay, that’s all for today. I’m reminding you guys that a week from now you should have presented 3 proposed titles. Class dismissed.” paalam ni Professor Collins.

Natapos ko na ang dalawa ko pang ibang klase. Umakyat ako sa Hilton Building, nakasalubong ko pa si Rikku na nagmamadaling bumaba ng hagdan. Isnabera lang talaga. Dumiretso na’ko sa AVR para isole yung CD kay Mr.Chen nang aksidenteng masilip ko na may dalawang tao dun. Si Shone at isang babaeng naka-topless at nakaluhod sa harap niya! Tangina lang, kaya pala wala ang gago. Medyo dim ang light kaya hindi ko naman makilala yung babae dahil nakatalikod ito. Natandaan ko lang na may tattoong serpent  ito sa may shoulder blades. Lumabas agad ako. Ang akala ko nagkakamabutihan na sila ni Rikku, eh ano ‘tong nakita ko? Nakita kaya ‘to ni Rikku kaya nagmamadali siyang bumaba?

Thursday. Maaga akong pumasok ngayon. On the way na’ko sa school nang nagvibrate yung phone ko. 1 message received.

[May problema sa PC unit 7, paki-check naman, tnx. P:  qwerty]- unknown number.

 Tatawagan ko na  sana yung nagtext pero nag-out of coverage ito. Sa library ito malamang since elected ako as IT technician dun. Sino kaya tong nagtext? Hindi ko na nireplyan, dumiresto na’ko sa fourth floor sa library. Ang daming estudyante.Tinanong ko yung librarian kung siya ba yung nagtext.

“From whom? Oh well, go ahead, Mr.Evans.” hindi na nya hinintay pa sagot ko dahil busy siya sa desk nya.Sa study area naman, nandun din pala mga classmates ko saka teammates sa Thesis I; sila  Shone at Rikku.

“Nandito din pala kayo.” bati ko.

“Nagbabasa-basa lang baka makahanap kami ng idea for the title, bro.” pa-cool lang na sagot ni Shone, katabi pa niya si Rikku. Mukang walang alam si Rikku sa kalokohan ni Shone. Paano ko ba sasabihin kay Rikku na nakita kong may kasamang ibang babae si Shone kahapon sa AVR? Tss, mahirap namang manghimasok. Tahimik lang si Rikku as usual at may pagkasuplada. Si Wesley abala sa paghahanap ng Thesis Books dun sa may shelves area.

“Si Zeus?” tanong ko. Hindi ko na tinanong kung nasan si Keiko, panigurado makikita mo lang sa bleachers yun na pinalilibutan ng mga starplayer. At si Margaux, hindi ko na rin itinanong, transferee kasi at di pa naming ka-close.

“Malamang PRO si Zeus, nasa student council.” sagot ni Rikku na hindi nakatingin sa’kin. Nakakabadtrip talaga siyang sumagot.

“Ah sige thanks. Dun muna ‘ko sa PC area.” paalam ko.Pumunta agad ako sa unit 7, bukas ito. Sa isip-isip ko, okay naman ah. Pero napansin ko yung zip file sa desktop. Kailangan ng  password.  Naalala ko yung text at binasa ko ulit. Tinype ko ang ‘qwerty’ , swerte at nag-open yun.

100022212_10.3GP? Kuha from cellphone.Anong video file naman to? Ikinabit ko yung headset at inopen yung file. Madilim ang kuha at patay sindi ang ilaw. May isang lalake ang nakalambitin na walang malay, parang HRM yung lalake dahil sa mga butones nito. Nabigla na lang ako nang tinadtad siya ng saksak sa muka ng taong nakakapa at binutas ang sikmura! Shit lang! Napailing na lang ako sa mga parte ng tiyan na inilalabas nito! Parang hindi ko na kayang panuorin! Kinabahan ako ng sobra, kuha ito sa abandoned building nito lang! Sa sobrang layo ng kuha, hindi malinaw na marinig ang pinag-uusapan nila. Kinutuban ako! Ang lalakeng sinaksak ay si Swaz yun! Pagkatapos, itinayo ng nakakapa yung babae, at yun ay si Aileen! May malay ito pero parang wala sa sarili. May nilabas siyang syringe at tinurukan ng gamot sa leeg si Aileen at parang kinausap nya sandali si Aileen pagkatapos hinalikan nya ng matiim sa labi. Sino ang naka-kapang yun?! Ilang sandali pa ay iniabot nya kay Aileen ang panaksak. Unti-unting nilapitan ni Aileen si Swaz at wala sa sariling pinagsasaksak nya ang muka ni Swaz hanggang sa dinukot nya yung isang mata nito! Pakiramdam ko ay masusuka ako sa kinauupuan ko! Wala siya sa katinuan! Bumalik muli yung naka-kapa, nasa likod siya ni Aileen pero sinaksak siya nito ng maraming ulit sa dibdib! Hindi pa nakuntento, ang nakalambiting si Swaz ay muli pa niyang pinagsasaksak sa muka! Pinagpawisan ako sa napanuod ko! Nagulo ang kuha ng video nang parang humarap ang killer sa direksyon ng kumukuha ng video. Mukang tumakbo ang witness dahil naka-on pa ang video hanggang sa doon na nagblackscreen. Ito ang ebidensya! May taong nakasaksi sa krimeng yun! Nakunan nya ito! Pero sino sya?! Bakit hindi sya nagsalita? Siya mismo ang ang naglagay ng file na ito dito!

­­Biglang nag-fire alarm. Nagkagulo lahat ng estudyante sa loob ng library. Kailangan kong makopya ang file pero nung isasaksak ko na yung USB. Nagblack-out lahat ng PCs! Tangina lang! Deepfreeze nga pala! Bullshit talaga! Sumabay pang magbrownout! Nakipagsiksikan na rin lang akong lumabas ng library at bumaba sa hagdan.  Peste! Hindi ko na makukuha yung file!

“Kyaaaaaaaaaaaahhhhh!!!!” rinig ko ang malakas na sigaw sa first floor dahil nakabukas ang pinto ng library. Ano na naman ito? Dali-dali akong tumakbo  pababa. Akala ko may mga nasaktan sa kung sunog o ano pa man. Nakasalubong ko si Zeus.

“A-anong nangyare, Zeus?” napuno ng mga tao sa lady’s room. Hingal na hingal ako sa pagtakbo.

“Bakit ka bumaba dito? Galing ka na ba sa library?!” tanong nya.Paano nya nalamang galing ako dun.

“Galing na nga ko pero nag-fire alarm kaya bumaba ako dito. Ano bang kaguluhan yun?” tanong ko.Ang daming taong nagbubulungan at nagsisiksikan.

“Babaeng IT. Natagpuan patay sa cubicle.” sagot ni Zeus na nagsalubong ang kilay.

“Ano?! Sino?” May pinatay na naman?! Di umimik si Zeus. Biglang-bigla ako sa narinig ko. Isang IT na naman. Hindi ‘to maari. Nakipagsiksikan ako sa dami ng tao. Sino siya?

“Grabe yung ginawa sa kanya. Sa lalim ng pagsaksak sa batok niya konti na lang mapupugutan na siya.” “Nakakatakot! Ishinoot pa yung ulo nya sa toilet bowl.” Bulung-bulungan ng mga nakiusisa. Wala pang dumarating na mga pulis kaya kahit mahirap makasingit ay pinilit ko itong makita. Tumambad sa’kin ang naglalawang dugo sa tiles at pinto at ang duguang babae ay nakasalampak ng upo sa tiles. Naka-unipormeng pang-IT ito at mahuhubad na ang blouse. Naliligo ang buong katawan nito sa dugo at nakayuko nga ang ulo nya sa toilet bowl. Natuyo na ang dugo sa mahaba niyang buhok na tumatakip sa muka. Fuck! Sobrang sangsang ng amoy! Tama nga sila mahihiwalay na ang ulo nya sa leeg kung hindi lamang nakasuporta ang kumokonektang balat! Sobrang brutal! Kanina sa video at ngayon ito naman! Babaliktad na ang sikmura ko sa lansa!

“Pare, anong ginagawa mo! Umalis ka na dyan!” boses ni Shone. Walang naglakas-loob lumapit pero gusto ko talaga makilala kung sino na namang IT ito. Takip-takip ko ang ilong ko habang papalapit sa bangkay, napansin ko kasi ang ID sa may paanan niya na nakasawsaw sa natuyong dugo sa tiles. Habang inilalapit ko ang kamay ko sa nakabaliktad na ID nya sa sahig ay siya namang pagbilis ng kabog ng dibdib ko!

“Kyaaaaaahhhhhhhhhhh!!!!!” tili ng mga nakapalibot sa cubicle! Bullshit! Napatayo ako at napaatras! Tangina! Gumalaw ang bangkay!

Lumihis ang katawan padapa sa tiles at tuluyan nang napigtas ang ulo nito at na-shoot sa bowl!

“Shit!!!!” bulalas ko. Napasandal ako sa pader at abot-abot ang hininga ko! Natalsikan ng dugo ang slacks ko nang bumagsak sa paanan ko ang nakadapang duguang pugot!

Hindi ko nakita ang ID nya!

Pero ang nasa likod nya ay..

Parehong-pareho sa tattoong nakita ko kahapon!

DEAD STATUS (1)Aileen (2)Keiko

VOTE  COMMENT  TWEET FAN

-aileenfiao09

>>>CHAPTER 3 HERE