“Shit!!!” bulalas ko. Napaatras ako at
napatakip ako ng bibig nang makitang nakadilat pa ang isang mata nito na tila
nakatingin pa sa akin! Habang ang isang mata ay tila hinukay mula sa kalamnan!
Hindi na makikilalala ang muka nya na tila tinadtad ng icepick ng 30 beses!
Sukang-suka nako! Demonyo lang ang makakagawa nito! Mukang hindi na sya makikilala sa itsura nya!
Hingal na hingal ako at pawis na pawis sa nasaksihan ko.
Isang kapareho ko ng course ang pinatay sa building na to! Gusto kong sumigaw!
Pero hindi ko alam kung anong tumakbo sa isip ko kung bakit
sa halip tumakbo ako palabas ay pinilit kong magpakatatag at suriin ang
duguang katawan.
Napakabrutal ng ginawang pagpatay sa lalakeng ito, masahol pa sa hayop, maiisip mong isang
demonyo ang may kagagawan nito. Babaliktad talaga ang sikmura mo sa
umaalingasaw na dugo sa sahig (ito nga ang kanina pa namin naamoy) mukang
ngayon lang sya pinatay, maging ang buong HRM uniform nya at slacks ay halos napaliguan na rin.
Halos mapigtas na ang mga kamay nito dahil sa pagkakabaon ng
talim ng bardwire na kung iisipin mo pwersahang hinila ang magkabilang kamay
nito, halos nahukay na ang laman sa pulso nya at lumuwa na ang nalamog na laman
at buo-buong dugo. Mas nilapitan ko pa ang bangkay at hindi kinaya ng sikmura ko
ang nakita ko na akala ko nung una ay panali lamang--
Ang sarili nyang bituka
na ikinwintas pa sa leeg nya habang nakakunekta pa ito sa wakwak nyang tiyan!
Bullshit! Kailangan na
naming umalis ni Aileen dito! Humangos ako ng takbo sa kinaroroonan nya.
“Aileen! Aileen!
Gumising ka!” nakaupo
sya at nakasandal sa sulok ng pader at tulala. Hindi ko pa rin maintindihan
kung paanong napuno ng dugo ang katawan niya matapos bumagsak ang bangkay ng
lalakeng ito!
“Aileen! Aileen! Duguan
ka, anong nangyari sayo?! Ilalabas na kita dito!” sigaw ko at patakbo ako sa pwesto
nya.
Namimilog ang mata nya na at nangingisay ang mga nakakuyom
nyang mga kamay na puno ng dugo. Takot na takot sya! Nanginginig ang buo nyang
katawan. Anong nangyayari sa kanya bakit punong-puno na sya ng dugo?!
Ngunit isang nakakatakot na pagngisi sa muka nya ang nakita
ko.
“Isang malaking
pagkakamali ang sinamahan mo ko dito.” sabi nya kasabay ng nakakakilabot at malakas nyang pagtawa.
Nanlalaki ang mga mata nya at umiikot ang itim na parte nito. Muka na syang
nahihibang! Napapaatras nako sa
kinatatayuan ko.
“Aileen anong bang sinasabi mo!! Ano bang
nangyayari sayo?!”
sigaw ko.
“Ni hindi ka man lang
nagdalawang isip, na pwede ako ang pumukol ng hollowblock sa ulo mo?!” tumayo sya at tila sinapian ng
demonyo ang katawan nya. Ano bang nangyayari sa kanya? Tulala ang muka nya at
mukang wala sa sarili! Paano siya napuno ng dugo sa buong uniporme nya? Ayokong
paniwalaan na imahinasyon ko lang ang Aileen na kasama ko kanina mula pa nung kumapit siya sa braso ko hanggang sa nahimatay siya dito?!
“Aileen! Ano bang
nangyayari sayo?! Ano bang pinagsasasabi mo!” napapaatras na’ko sa kinatatayuan ko. Gulong-gulo
na’ko sa nangyayare. Hindi kaya may kinalaman sya sa bangkay na narito?!
“Nagawa ko na ang
pinagagawa mo. Lumabas ka na.” wika ni Aileen na sa palagay ko’y nasa ilalim sya ng epekto
ng droga! Itinaas nya ang kanyang kanang kamay na puno ng dugo, ibinuka nya ito
at gumulong sa uniporme nya ang tila isang maliit na bola na puno ng dugo!
“Shit!” daing ko. Isa itong--
Fuck! Sobra na!
Ito ang ipanagawa sa kanya? Ang tanggalan ng mata ang kawawang biktima?! Hindi
magagawa ng isang matinong tao ito! Sinong may kagagawan nito kay Aileen?! Isa
pang pigura ng tao ang lumitaw sa likod nya! Nakasuot ito ng itim na kapa at
may hawak itong icepick! Sinunggaban nya si Aileen sa likod nito at
pinagsasaksak ang kaliwang dibdib ng maraming beses!
“Hinde!” sigaw ko. Wala na! Wala na si Aileen!
Pinatay nya sya!! Pinatay nya siya!
Nagkandarapa nako sa
pagtakbo paatras dahil tumakbo sya na nakataas ang duguan nyang kamay at
sasaksakin ako!
“lumayo ka sa’kin,
mamatay-tao!” nagngingitngit na ngipin ko sa takot.
Papatayin nya ko katulad ng ginawa nya kay Aileen at sa bangkay na’to! Paatras
ako papunta sa bangkay at sobrang kabog
ng dibdib ko sa nasaksihan ko. Paano ako makakalabas kung ang tanging daan ay
nasa likod nya?
“Ganito pala pakiramdam
ng pumatay ng mga walang kwenta mong proponents.” hindi
ko maintindihan pinagsasabi nya. Hindi makita ang muka nya sa ilalim ng kapang
yun!
“Ang hina mo nga lang
nagpadala ka sa takot mo at nagpakamatay kang malinis ang pangalan mo.” humalakhak
siya ng malakas. Parang mensahe ito
patungkol sa ibang tao at hindi para saken. Ano bang pinagsasabi nya? Anong
motibo nya para gawin to? Papalapit na sya saken. Lumihis ang kapa sa muka nya.
Kitang-kita ko ang mukang yun! Akala ko kaboses lang nya! Pero siyang siya yun!
Hindi ako makapaniwala! Kasama lang namin sya kanina! Siya ang may kagagawan
nito? Bakit sya pa? Bakit nya to nagawa samin?!
“Sampung taon din yun..
At itutuloy ko ang nasimulan mo…
Papa!” sigaw nya at
patakbong pagsugod sa muka ko ng saksak! Suot pa niya ang jersey na yun!
“Hinde!!” sigaw ko. Maaatrasan ko ang bangkay!
Pero..
Ano ‘tong nangyare?!
Bakit?
Paano?
Tumagos ako
..sa katawan ng bangkay
at napaupo sa sahig!
Napatingala ako sa bangkay ng lalakeng ito. Ang uniporme nya. Ang muka
nyang hindi ko nakilala sa dami ng tadtad ng saksak! Hindi ito maari!
Imposible!
Hindi ‘to totoo!
Ayokong paniwalaan---
na ang bangkay na
yun ay—!
-End of Thesis Book I-
[A/N: Who's the Killer? Swaz was already dead in the replay-like scene, the existence of Aileen there was only his imagination. All of your doubts will be answered on the following chapters. I hope you leave some comments. -aileenfiao09]
█░░█ █▀▀█ █▀▀▄ █▀▀█ ▀▀█▀▀ █▀▀ █▀▀█ █▀▀█ █
ReplyDelete█░░█ █░░█ █░░█ █▄▄█ ░░█░░ █▀▀ █░░█ █▄▄█ ▀
░▀▀▀ █▀▀▀ ▀▀▀░ ▀░░▀ ░░▀░░ ▀▀▀ █▀▀▀ ▀░░▀ ▄
█▀▀█ █░░ █▀▀ █▀▀█ █▀▀ █▀▀ █ █ █
█░░█ █░░ █▀▀ █▄▄█ ▀▀█ █▀▀ ▀ ▀ ▀
█▀▀▀ ▀▀▀ ▀▀▀ ▀░░▀ ▀▀▀ ▀▀▀ ▄ ▄ ▄