Kissing Bandit : Chapter 19

CHAPTER 19

(ATASHA ORELLANA POV)

OMG! I can’t believe this is really happening! Ako na nga ang bagong prospect ni half syokoy, half ET!!! Eh engot ka rin Atasha, ni-post mo na nga sa Anti_KB diba? Although to-be-revealed pa daw ang tunay kong itchura para daw mas ma-curious ang mga tao at maging viral ang balita!

Ang hindi ko lang maintindihan…

“Teka? Bakit tayo nandito sa kwarto mo?” Pina-ekis ko pa yung kamay ko na nakatakip sa dibdib ko. Nakapam-bahay na lang kasi ako ngayon.

“Wag kang feeling jan! Ano tingin mo, gagawaan kita ng masama?”

“Nasa itchura mo kasi ang gumagawa ng ganun eh.” Isang dangkal na lang kasi, mukha na siyang myembro ng mga tambay na nag-aadik at sumisinghot ng medyas dun sa kanto.

“Itchura mo ang masama! Kamukha mo yung mascot ng Hen Lin.” Eh lalaki yun ha! Makapanlait talaga! Sarap hambalusin! “Maupo ka muna jan. Tatapusin ko lang ‘to sandali.”

May kung ano kasi siyang ginagawa sa harap ng computer niya. Hindi kaya nagla-live show siya? Tapos… tapos isasama niya ako? Ow no!!! Pero imagination ko lang yun. Ahahaha! Nagti-TMU Diary lang siya.

“Ang tagal naman! Hindi pa ba tapos yan? Babalik na ako sa kwarto ko.”

Howkei payn! Busy-busihan ang syokoy mo! Hindi pa rin ako pinapansin. Natatawa-tawa pa siya sa binabasa niya. Hindi kaya nagbabasa lang rin siya ng mga kwento sa blog ni AegyoDayDreamer.

“Hot Pink Hen Lin, tara dito may ipapakita ako sayo.”

“Sige pahabain mo pa nickname ko… psh!!!” Pero lumapit ako sa kanya at tinignan ko yung tinuturo niya sa monitor niya. At pagkatingin ko, naging mala-planggana sa laki ang mga mata ko.

Bukod kasi sa naging trending topic hindi lang sa TMU at sa iba pang networking sites, sobrang dami din ang nagko-comment at nagtatanong kung sino ba talaga ang bagong KB Prospect.

At hindi lang yun, may pinost din si TMU_Admin tungkol dito. Pictures ng mga babae na pwedeng isa daw sa kanila ay ang bagong prospect. But what’s more shocking… NASAMA NGA ANG PICTURE KO DOON!

“Ang galing ni TMU_Admin! Nahulaan niya agad na ako yun?”

“Hindi pa siya sigurado na ikaw nga yun.” Napapailing siyang tumawa. “But Admin is really great. As expected, alam niya kung sino ang mga taong dapat paghinalaan.”

“Anong gagawin natin? Kelan mo iko-confirm na ako nga yun?”

“Depende sa mood ko.” Angas lang ng sagot niya ha! “Pero hangga’t hindi ko pa sinasabi ang GO signal para ipakilala ka, you better prepare yourself. Panigurado, tatadtarin ka ng mga tanong ng mga estudyante sa TMU. Hindi sila titigil para lang malaman nila kung sino ka talaga.”

Sabi niya eh! Kung kailangang mag-deny, dun naman ako magaling eh. “Anyway, yan lang ba ang dahilan kaya mo ako pinapunta dito?”

“Nope. Saan cellphone mo?”

“Heto.” At pinakita ko si cellphone na nagpapahinga sa kumare niyang bulsa.

“Maya-maya lang rin tatawag si Zack jan.”

“Tatawag lang pala eh… teka… ano? Si Zack? Tatawag? Paano mo nalaman!!!”

“Hot topic ang tungkol sa new prospect ko, tapos nag-post pa si Admin ng pictures ng mga possible girls at isa ka dun. Isama mo pa yung eksena natin kanina nung sabay tayong umuwi. Sa pagkakakilala ko kay Zack, hindi yun makakatiis at magtatanong yun. It’s either ikaw ang unang niyang tatawagan o ako.”

Nag-aala Madam Auring nanaman ‘tong si Laris eh! Pero kinakabahan ako dahil may good background siya sa ganitong panghuhula. At hindi nga siya nagkamali dahil ilang sandali pa, nag-ring na ang cellphone niya. Sa kanya unang tumawag si Zack.

“Wow ang bilis ha! Ikaw Hot Pink, pakinggan mo usapan namin. Gagayahin mo lang ‘to kapag ikaw naman ang tinawagan niya mamaya.” Tinanguan ko lang siya at saka niya sinagot ang phone niya at naka-loudspeaker pa. “Yow~”

“Hoy Laris!”

“Uy pre! Napatawag ka?”

“Ah… tatanong ko lang, natuloy ba kayo ni Atasha sa lakad niyo kanina?”

“Hindi.”

“Bakit hindi?”

“Tinamad ako eh.” Ang tinong kausap nitong si Laris noh? Sarap ipalunok sa kanya yung cellphone niya! “Yun lang ba itatanong mo?”

“Ah… ano… nakita ko sa diary ha… may bago ka daw prospect? Sino yun?”

“Malay ko. Tanong mo kaya dun sa nag-post noh? Yung Anti ko.”

“Pero hindi nga ‘pre? May bago ka nang prospect? Sino? Kilala ko ba?”

“Bakit ka interesado? Wag mong sabihing nagseselos ka? Kelan ka pa nabakla saakin?” Walangyang ‘to! Tamang pagdudahan ang pagkalalaki ng Zack ko? Kakaiba na talaga level ng sayad sa utak ng Laris na ‘to!

“Lolo mo!!! Sige na nga, ba-bye na!” Buti na lang hindi pikon si Zack kahit pa tinawanan lang siya ng timang na si Laris. At end of conversation na.

Nung magkatinginan kami, binigyan niya ako agad ng lectures kung paano ko kakausapin si Zack kapag saakin naman siya tumawag. “Bayaan mo munang mag-missed call. Kung gusto ka niyang kausapin, hindi titigil yan sa pagtawag.”

At yun nga ang nangyari. Ilang minuto matapos tumawag si Zack kay Laris, saakin naman siya tumatawag. Pero nakaka-tatlong tawag na siya, hindi ko pa rin sinagot.

“Ngayon, kapag sinagot mo na yan, act like may ginagawa ka at nagmamadali ka. Kapag nagsimula na siyang magtanong, deny, deny, deny, then goodbye.” Hindi ko talaga maintindihan ang takbo ng utak niya. Pero wala naman akong magawa kundi maniwala, lagi naman kasi siyang tama.

Nag-ring na ulit ang phone ko at para kaming timang na nakatingin pareho dun. “Sagutin ko na?” Tumango lang siya. “Hello… Zack? Napatawag ka… ah… yun ba? Hindi kami natuloy kanina ni Laris eh. Tinamad daw siya. Walang kwenta talaga yung kaibigan mo na yun.” At aray ko naman! Sinapok ako ni ET ng tsinelas niya eh.

“Tandaan mo, busy ka…”

“Ganun ba?” Sagot ni Zack sa kabilang linya.

“Ah Zack, may ginagawa kasi ako…”

“May itatanong muna ako Tasha.”

“Tungkol saan? Bilisan mo lang ha.” Kahit pa gusto ko talaga siyang kausapin, hindi pwede dahil baka sabunutan ako nitong si Ate Ganda kapag hindi ko siya sinunod.

“Ah… nakita mo na ba yung post tungkol sa bagong prospect ni Laris?”

“Hah? Hindi… hindi pa ako nakapag-online eh…”

“Hmm… do you by chance… um… know who it is?”

“Ano ka ba naman Zack! Kayo mas close ni Laris… diba? Bakit hindi siya tanungin mo?” Akala ko madali lang magsinungaling! Mahirap pala lalo na kung sa kanya! Pero konting-tiis lang Atasha!

“Pero hindi naman ikaw yun Atasha? Diba?”

“O… oo…” Harujusko!!! Nakakatameme yung boses ni Zack eh! Naawa ako na parang ayoko nang magsinungaling talaga!!! Ide-deny ko lang naman diba? Pero ang hirap!

But Guardian Devil is right here at patuloy na bumubulong saakin. “Sabihin mo sa kanya kung bakit niya naisip yun…”

“Zack naman! Bakit mo naman ba naisip yan?”

“Eh kasi…”

“Now, putulin mo na agad ang usapan.”

“Ha?” Ganun agad? Nagpapatanong tapos puputulin agad usapan?

“Putulin mo na! Wag mo siyang hayaang magpaliwanag.”

“Ah hello Zack…”

“Atasha…”

“Sa susunod na lang ulit… may ginagawa pa kasi ako at tsaka…” Hinablot saakin ni Ate Ganda ang cellphone ko at in-off yung phone. “Bakit mo pinatay agad?”

“Kapag nagkita kayo ulit, sabihin mo na lang sa kanya na na-lowbatt ka na kaya naputol yung usapan niyo.”

Grabe! Hindi ko kini-keribels ang mga pangyayari! Nagi-guilty ako sa pagsisinungaling ko kay Zack. “Hindi ko maintindihan Laris. Ano bang purpose kung bakit kailangang itago at magsinungaling pa ako kay Zack? Hindi ba pwedeng sabihin na natin agad?”

“It’s a part of the plan Hot Pink. Kung hindi mo kaya, pwede namang mag-backout.”

“Wala akong sinabing gusto kong mag-backout! Ipaliwanag mo lang saakin, para saan ba ‘tong ginagawa natin? Gumagawa ka ng mga bagay na hindi ko naman ma-gets kung para saan. Kumbaga, wala ka man lang bang curriculum? Para naman malaman ko yung mga subjects na papasukan ko!”

“Tss…” Naupo siya, sumandal at ipinatong ang mga paa niya sa coffee table na nasa harap niya. “We are doing this dahil na rin kay Zack. Hindi lang tayo kundi pati siya, hindi pa rin sure sa feelings niya for you. If we don’t push him to realize what you really mean to him, then he will end up with Carly.”

“Paano naman kapag nalaman niyang nagsinungaling ako? Baka magalit siya! Paano naman friendship namin?”

“Just trust my plan, Hot Pink. Ganito lang naman ang nakikita kong ending niyo after this. It’s either, bestfriends pa rin kayo… or yung lovers na kayo. Saan ba dun gusto mo?”

Ang taas ng self-confidence niya. Siguradong-sigurado siya sa plano at pinaggagawa niya. Eh kung sa bagay, palagi niya na ‘tong ginagawa diba? Kumbaga hustler na siya sa ganito so kailangan ko na nga lang magtiwala sa kanya.

“Sige… sabi mo eh. Oh paano, pwede na ba akong bumalik sa kwarto ko?”

“Hindi pa. Kunin mo nga yung mga papel na nakapatong dun.” Sinunod ko naman yung sinabi niya at kinuha yung papel. “Yan yung ‘CURRICULUM’ na hinihingi mo. Ginawa ko yan kanina at yan ang pinaka nababagay sa sitwasyon niyo.”

Nanlaki yung mata ko nung basahin ko yung mga nakasulat dun.

“Magiging tayo for three months. We act like a real normal couple, you as my girlfriend and me as your boyfriend. We will date, I will teach you things, you listen to me, no flirting with other guys especially Zack, and it’s okay to fall in love with me during those times…” Bleh~ ano bang pinagsasabi ng mokong na ‘to! Gusto kong iduwal yung kinain ko kanina. “But after three months, whether you like it or not, we’ll have to split up.”

“OPO!!! After three months, break na tayo.” And as if naman na mai-inlove talaga ako sa kanya noh! “Tapos ba nun, maiinlove na saakin si Zack?”

“Yeah. 99%.”

“Bakit may tinira ka na namang 1%?”

“Trip ko lang. Para may konting thrill.” Nakakaloko na talaga mag-isip ang utaw na ‘to! Nakakabagabag na minsan!

“Oh siya sige na! Aalis na ako ha.”

“Oy! Meron pa! Kunin mo yung fishbowl dun. Yung may mga lamang papel.”

Puro utos, ako naman puro gawa! “Ano naman ‘tong mga papel na ‘to?”

Tinignan niya ako at may kakaiba sa ngiti niya. Although noon pa man, kakaiba na talaga ang itchura niya. Lalaking mukhang babae at mukhang sabog din!

“Ano ba ‘tong mga ‘to ha?” Kukuha na sana ako ng isang papel dun pero…

“Those are different kisses na alam ko. Kapag bumunot ka na jan, sisimulan na natin ang lecture mo sa paghalik!”

“Al-al mo!!!” Binato ko sa kanya yung fish bowl at kung hindi pa niya nasalo, nabasag na sana yun.

“ANO BA!!! Muntikan nang mabasag!!!”

“Anong lectures sa paghalik ang pinagsasabi mo jan!!! Gusto mo bang mabura sa mundong ibabaw ha!”

“Alam mo sa isang relationship, ang kiss ang main indicator of happiness. You learn a lot with your partner when you kiss. A KISS simply establishes the connection between couple. Dapat mo lang malaman yun!”

“Eh diba sabi ko nga, hinding hinding hindi hindi as never at hindi ako magpapahalik sayo!!!”

“Tsk! Desperada kang makuha si Zack, pero nag-iinarte pa!!!” Exactly the point! Si Zack ang gusto kong makuha at hindi siya! Meaning, labi lang ni Zack ang gusto ko! Gets? “Mga secrets and tips po ang mga yan pero kung ayaw mo talaga, bahala ka. Hindi ko hahabulin na mahalikan ang isang babaeng kamukha ni Hen Lin noh! At tsaka maituturo ko naman sayo yan kahit hindi pa maglapat mga labi natin kaya wala kang dapat ipag-alala.” Sabay nagroll-eyes lang siya. Pero paano nga kaya yun?

“Eh… ke… kelan naman natin ‘to sisimulan?”

“Whenever I feel like kissing my girlfriend.”



“Ha?”

.

.

.

“Meaning to say, whenever I feel like kissing you.”

.

.

.

*dugdug*

.

.

.

Oh wag mag-react.

Nagpalpitate lang si heart dahil kinilabutan ako sa sinabi niya.

So this is it na talaga! Since I’m the new prospect, then he is now my boyfriend for three months.

“Oh ano pa tinatayu-tayo mo jan? Layas na! Baka maisipan ko pang humalik ngayon, sige ka.”

Heto na nga!!! Aalis na ako!!!

Pagkalabas ko ng kwarto niya, nagwawala pa rin si heart. Pumasok ako sa sarili kong kwarto, nagwawala pa rin si heart. Nahiga na lang ako sa kama, pero nagwawala pa rin si heart.

*sigh*

Hindi naman ako napasubo sa ginawa ko diba? 












The next day… natatakot ako pumasok lalo na sa first class ko.

Panigurado, kukuyugin ako nina Raiza at itatanong kung ako ba ang bagong prospect. Wala naman kasi sanang problema kung hindi lang nakatamang-hinala si TMU_Admin tungkol sa real identity ko eh.

But for the second thought, pwedeng ko ring sisihin si Ate Ganda! Kailan niya kaya balak i-reveal sa lahat na ako na yung prospect niya? Tsk!!! Ngayon tuloy, kailangan ko pang masinungaling!

But for the third thought, eh ginusto ko rin naman ito! Gusto kong magpaturo kay Laris kaya mag-tiis ako.

At bago ako maka-ilang thoughts pa dito…

*tingin sa left…*

*tingin sa right…*

Ayun, hindi muna ako papasok ng room ko hangga’t wala pang teacher namin para hindi ako ma-hotseat ng mga fans ni KB.

*tingin ulit sa left…*

*tingin ulit sa right…*

“May pinagtataguan ka ba?”

“AY BUTIKENG E.T.!!!... Zack? Ang aga-aga nanggugulat ka!”

“Good morning.”

“Bakit nandito ka sa building na ‘to? Diba hindi naman dito ang first class mo?”

“Maaga pa naman. Eh bakit ikaw? Hindi ka pa pumasok sa room mo?”

“Um… maingay dun sa loob. Saka na kapag nag-start na ang klase.”

Shoxx! I can’t look at him in the eyes! Baka magtanong na naman siya tungkol saamin ni Laris. O yung tungkol sa prospect. Binabawi ko na talaga yung sinabi kong madali lang mag-deny. Ang hirap-hirap talaga dahil si Zack itong kaharap ko!

“Um, I'm here to ask you something. After class, let’s have dinner. Kahapon hindi na tayo natuloy so…”

“Hindi ako pwede.”

Isa ito sa mga nasabi ni Ate Ganda. Since para na kaming mag-on, bawal na maglandi sa ibang lalaki lalo pa nga daw kay Zack. Kapag sumama ako sa kanyang mag-dinner, counted as panlalalaki yun. Diba?

“Why not? Ako naman ang magtatampo sayo kapag hindi ka pumayag.”

Yung puppy dog eyes ni Zack! Gawd!!! Nagpapaawa talaga!!! Tiis lang Atasha!!! Turn him down! “Hindi talaga pwede… busy kasi…”

“Please, please, please Atasha!!!”

“Hindi talaga…”

“Please~”

“Zack, hindi…”

“Please~”

“Hindi nga…”

“Please~”

“OKAY PAYN!!!” Pakidala nga ako sa clinic! Nag-aagaw buhay na ako sa taglay na charm nitong prince charming ko eh…

But wait… there’s more…?  “Zack!!!” Napalingon kami pareho sa tumawag sa kanya.

Aba naman teka lang!!! Anong ginagawa ng babaeng yan dito? “Carly?”

“Ano naaya mo na ba si Atasha?” What’s the meaning of this? Magkasama silang nagpunta dito? Tumingin lang saakin si Carly. “I really want to apologize for what happened the last time. Hindi ko alam na friendsarry niyo pala ni Zack nung araw na yun. Kaya to make it up to you, mag-aaya sana ako na mag-dinner tayong tatlo. Nasabi na ba sayo ni Zack?”

“Actually pumayag na…”

“Sorry. Hindi ako pwede kasi talagang ang dami kong ginagawa.”

“What? Sabi mo…”

“Wala akong sinabi, Zack. Next time na lang siguro.” At para hindi mahalata sa mukha ko ang disappointment, “Oh paano, pasok na ako sa room ko ha.” Tinalikuran ko na sila at hindi ko na nilingon.

Napaka-gaga ko naman kasi! Ayan! Ang hopia kasi!!! Akala ko pa naman gusto lang akong makasama ni Zack na kaming dalawa lang! Akala ko pa naman, sobrang laking impact na sa kanya yung balita na pwedeng ako nga ang prospect ni KB!

HMP!!! Hangga’t hindi namin nasisimulan ni Ate Ganda ang plano, masyadong mahirap ang chance na ma-inlove saakin si Zack dahil laging nakabuntot sa kanya si Carly. Kaya tiis pa Atasha. Konting tiis pa!

And remember, ito pa lang ang simula…

 (Disclaimer: I do not own the photos used in this post. Credit goes to its owner/s!!!)

End of Chapter 19

>>>CHAPTER 20 HERE