Tunay o Nagkukunwari [POEM]

(Credit goes to the owner of this photo)

Masarap magkaroon ng kaibigan

Na palagi sa tabi mo at nagpapatawa

Ngunit hindi ka sigurado

Kung tunay ito o nagkukunwari

Ang tunay na kaibigan ay biyaya ng Diyos

Ibinigay Niya ito para magkaroon tayo ng kasama

Ngunit ang tunay ay mahirap hanapin

Kaya minsan nagtitiwala tayo sa di totoo.

Ang mabuting kaibigan ay totoong-totoo

Ang tunay ay makapagkatiwalaan

Ang tunay ay tumatanggol sayo

Ang tunay ay may malasakit at tanggap ka

Subalit ang balat-kayong kaibigan ay masama

Pinipilit kang gawin ang di tama

Nandiyan lang siya kapag kailangan ka

Ngunit sinisiraan ka kapag ika'y nakatalikod

Kaya bago magtiwala sa isang kaibigan 

Alamin muna kong masama ito o mabuti

Para mabuhay ka ng masigla sa mundo

Na puno ng pagmamahal mula sa Diyos.

Malayang tula ni Phoebe Ann