Sister Complex : Finale

Girlfriend Complex

(Cecily Gonzaga POV)

“Ash! Gising na!” Nananaginip nanaman siguro ‘to.  May pasabi-sabi pa siyang ‘Are you having fun?’ Parang timang! “Hoy Ash!!! Gising!!!” At sa wakas, after 5 minutes na pagyugyog ko sa tulog-mantikang si Asher, nagising din.

“Anong…? Nasan na?” sabi ni Asher.  Gising na pero pikit pa yung mata niya kaya ako na nagdilat sa kanya. Haha, ang cute!

“Anong nasaan na? Umaga na, male-late na tayo!” Ayan, nung sinabi ko yun, napadilat nga ng sobrang laki si Asher, kaso mukhang na-bad trip yata.

“Konti na lang eh!!!” And OA ng pagkakasabi niya. “Eto na lang oh!!! Magki-kiss na tayo!!!” Yuck, ang pervert! Mga lalaki talaga, kung anu-ano napapanaginipan. “Lagot ka sa’ken!” Patay! 

Bago pa ako tuluyang makalayo, nahila na niya agad yung sleeve ng damit ko at kinurot-kurot ang pisngi ko. Then he hugged me and kissed me. Parang nangyari na ‘to ha! 

“Manyakis ka Ash! Pati yun napapanaginipan mo!”

“Kasalanan mo bakit lagi kitang napapanaginipan!” Then he kissed me again.

“Maligo ka muna!” Tinulak ko siya at tumakbo ako pababa.

It’s official. Kami na nga ni Asher. At ilang buwan na din ang lumipas. I’m very glad to say, that we’re happy together. Oo, I’m the happiest girl ever! But I also made Asher the happiest boyfriend ever.

Kaso, may isang problema lang kami…

“Hoy… baka mamaya makita nanaman kitang may kausap na ibang lalaki.” 

“Ha? Classmate ko nga yung kahapon! Ang OA nito. Wala ka bang tiwala saakin?”

“Sa’yo, meron. Sa kanila, wala!” Pagkasabi niya nun, sakto naman ang pagdating nina Hadwin at Gwynne.

“Good morning!” 

“Good morning!” Hawak ni Asher nang mahigpit ang kamay ko.

“Gwynne, sabihin mo saakin kapag pumuporma ulit yung Mark, yung Kevin at tsaka yung Michael ha! Mapupuruhan na saakin yung mga yun eh!”

“Okay, ako bahala kay Silly.” Natawa na lang si Gwynne sa sinabi ni Asher. Silly na rin pala ang tawag niya saakin, since we are very close. At best friend ko siya!





“Ayos ha! Ginawang guard ang kapatid ko!” Pinalo naman ni Hadwin si Asher.

“Ewan ko ba dyan! Masyadong ewan.”  Actually natutuwa ako kahit sobrang higpit at sobrang seloso nitong si Ash. Nakakakilig naman eh. Ahahaha. 

“Teka ano bang bagay na tawag dyan?”

“Sister complex?”

“Hindi!” Lumapit si Merrick saamin. Dito na rin kasi siya nag-aaral sa school namin. Magka-schoolmate na kami, at okay naman ang lahat. “Girlfriend complex ang tawag dun.”  Tapos inakbayan ako ni Merrick, “Diba Silly baby.” Nginitian ko lang siya.

Sinupalpal naman ni Asher ang mukha ni Merrick palayo saakin. “Silly baby ka dyan! Lumayo ka nga!” 

Tapos si Hadwin naman ang umakbay saakin. “Basta Ces, kapag napagod ka na dyan kay Asher, bumalik ka lang saakin!” At sabay kindat. Gumana nanaman ang pagka-playboy nito.

“Isa ka pang kumag ka! Lumayas ka nga!”  This time para wala nang ibang makaakbay at makalapit saakin, nakayakap na lang sa likod ko si Asher.

“Alam niyo, ang gulo niyo talaga.”

“Oo nga, tama ka dyan Gwynne.” Nagtawanan kaming dalawa. 

“Hi Gwynne.”  Nginitian naman ni Merrick si Gwynne.

“Hello Merrick.” At parang nag-blush si Gwynne. Parang may something kasi sa dalawang ito eh. Nagkatinginan kami ni Ash, pansin niya din kasi.

Bigla namang sumingit itong si Hadwin. “Oh ano yang hi-hello niyo dyan!” humarang agad itong si Hadwin kay Merrick. Nakakatuwa, magkaibigan na sila, pero hindi magkasundo.

“Bakit?”   Nagkasabay sina Merrick at Gwynne at pareho na silang namula.

“Tingin mo, sabi sa’yo may something eh.” Bulong saakin ni Ash.





“Alam ko! Ako kaya may sabi sayo na may something.” Binulungan ko rin siya at natawa kami pareho.

Maya-maya may lumapit pang isang babae. Nagsusulputan ang mga tao. “Kuya, heto pala, nakalimutan mo daw sabi ni mommy.” 

“Hi Mary!” sabay naming binati ni Asher si Mary. Ang nakababatang kapatid ni Merrick. First year high school pa lang siya.

Napatingin si Hadwin kay Merrick at kay Mary. Ito namang si Merrick, biglang nag-panic. “Oh sige na! Go back to your room na!” Nagpaalam kami kay Mary at umalis na siya agad.

“Sino yun? Kapatid mo?”  tanong agad ni Hadwin kay Merrick.

“Bakit?” Ang weird naman ng tingin ni Merrick sa kanya.

“Mukhang alam ko na ang mangyayari, ano sa tingin mo Silly?” 

“Parang alam ko na din.”

“Ikaw ha. Hindi mo man lang sinabing may kapatid ka pala. Pakilala mo naman pare!” 

“Pare? Hoy Hadwin! Kung dati hindi ka napatay ni Asher, ngayon ako magtutuloy! Mamamatay ka muna bago makalapit sa kapatid ko.” 

“Sister complex ba ito?” 

“Ganito, sige papayag na akong ligawan mo si Gwynne… basta papayag kang makilala ko si Mary.”

“Kuya! Ano ka ba!” Nahiya lalo si Gwynne. 

“Talaga? Sige!”  At ganun naman kadali kausap ni Merrick

“Sabi na. Mangyayari ‘to eh.” Hinila na ako ni Asher palayo sa kanila. “Gwynne pasensya na, ikaw lang makakaawat sa dalawang yan.” Nginitian na lang niya kami. 

“Sige…sige…” 

*     *     *

At naglakad na kami palayo sa mga yun. “Diba ginawa mo rin yun saamin. Para makapanligaw ka kay Gwynne, pinayagan mong manligaw saakin si Hadwin.” 

“Ay! Ano ‘to? Muling ibalik? Wag mo na ngang ipaaalala yun!” Natawa na lang ako. Balewala nanaman yung noon eh, dahil ang mas mahalaga yung ngayon. Yung ngayon, para paghahanda sa magiging bukas namin.

“Pero tingin mo, anong mangyayari kina Hadwin at Merrick?”

“Hay naku! Puro ibang lalaki iniisip mo. Bakit hindi mo itanong, ano kayang mangyayari kay Ash para maiba naman.”  Seloso talaga nito, kahit kailan! Hindi ko talaga in-expect ‘to ha.

“Yung sa kanila, sila na mag-aayos nun. Ako lang isipin mo, okay?”

Napangiti ako. “Yun naman pala eh. Ayaw na lang aminin na nagseselos.” 

Then he poked my nose.  “Ikaw ha, nakakarami ka na ng asar saakin!” Tapos aktong kukutusan niya ako kaya napapikit ako, but then he hugged me and quickly gave me a kiss.

“Ikaw ha. Mas nakakarami ka na ng halik saakin!”

"Sige gantihan mo na lang ako" 





"Parang ako pa rin ang lugi nun!" 





Nagtawanan kami at bigla na lang niya akong binuhat papunta sa classroom ko.  “Ahhhhh!!!” 





Buti na lang walang ibang tao sa paligid, ayokong kasing may ibang makakita sa happiness ko, sa happiness namin. 





Ang moment kasi na ‘to ay lang para saaming dalawa.






"I Love You..." 

THE END