Triple Love Trouble : Chapter 2

Napakislot si Kenzie nang biglang bumukas ang pinto ng kwarto niya. Kasabay noon ang pagsungaw sa pinto ng kakambal na si Kendall.

“Kenzie, pwede ka bang makausap?” tanong nito.

“Sige. Pasok ka”

Pagpasok ni Kendall sa kwarto ng kakambal ay napangiwi ito. Hindi nito maintindihan ang trip ng kakambal nito. Puno ng anime posters ang kwarto nito. Ultimo sa kisame ay may mga posters pa din. Sa isang bahagi naman ng silid ay naroon ang mga anime collections nito. Mula sa mga figurines, stuff toys, model dolls at iba pa. Meron din itong CD collections. At kasalukuyang pumapailanlang sa kwarto nito ang soundtrack na sa tingin niya ay sa Anime na madalas panoorin nito.

Alam niya na magkakaiba sila ng trip sa buhay na magkakapatid pero ang trip nitong si Kenzie ang hindi niya lubos na masakyan. Iniisip nga niya na baka nababaliw na ang kapatid niya dahil madalas niya itong nahuhuling kinakausap ang mga manika nito. Hindi na siya magtataka kung minsan magtatransform na lang bigla ala-sailor moon itong kapatid niya. No wonder people find her weird and scary. Baka nga may kulto nap ala itong sinalihan eh.

“May kailangan ka?” tanong nito sa kaniya. Nasa harap ito ngayon ng computer.

Naupo siya sa kama nito.

“Naalala mo ba yung sinabi ko noon sa inyo na nag-apply ako sa isang trabaho?”

“Oo. Ano nangyare? Hindi ka natanggap?”

Napasimangot siya.

“Grabe ah! Salamat sa suporta. Interview na ako. Nakapasa ako sa exam” pagmamalaki niya.

Alam naman niyang kayang kaya niya na ipasa yung exam niya. Hindi man siya kasing talino ni Kenzie ay hindi rin naman siya bobo.

“Talaga? Congrats. Goodluck sa interview mo” walang kabuhay buhay na sagot nito at muling bumaling sa harap ng Computer.

Ngalingaling batuhin niya ng unan ang kakambal kung wala lang siyang kailangan dito.

“Kenzie” tawag pansin niya ulit dito.

“Oh?” hindi lumilingong sagot nito.

“Kailangan ko ng tulong mo”

“Mangungutang ka? Magkano? Bayaran mo ah. Wala pa akong allowance eh” dirediretsong sabi nito.

Hindi na niya napigilan ang sarili at binato ito ng unan na nahawakan niya.

“Aray ah!” reklamo nito at hinarap siya. “Mangungutang ka na nga lang, nananakit ka pa” anito at hawak ang nasaktang ulo.

“Hindi ako mangungutang sayo noh. Kung kailangan ko ng pera eh di sana si Kendrea ang nilapitan ko”

“Hindi ka pauutangin ni Drea. Malakas tumubo yun eh. Mamumulubi ka”

“Ewan ko sa inyo. Hindi ko kailangan ng pera okay?”

“Eh anong kailangan mo sakin?”

“I need you to disguise as me”

“What?” bulalas nito. “Ayoko nga!” mariing tanggi nito.

“Wag ka ngang maarte. Dati mo namang ginagawa yun ah”

Since identical triplets silang tatlo nila Kenzie at Kendrea ay talaga namang magkakamukha sila. Kung hindi nga lamang ba sila magkakaiba ng hairstyle at porma ay malilito ang kahit sino sa kanila. But since they have different personalities ay madali silang marecognize ng mga taong nakakakilala sa kanila.

Katulad na lamang ni Kenzie. Madalas ay nakabraid ang buhok nito at may suot na makapal na salamin sa mata. Hindi rin ito maporma. Simple lang lagi ang ayos nito. Walang make-up o kahit na anong kolorete sa mukha. Kaya madalas napagkakamalang nerd ang kakambal niya dahil sa porma nito. Samantalang si Kendrea naman ay sobrang maporma. Laging in ang fashion sense nito. Puro designer bags and clothes ang gamit. Idagdag pa na ang hilig ni Kendrea sa mga sexy na damit. Madalas din itong nakamakeup at kung ano-anong accessories ang gamit sa katawan. Kapag dumaan si Kendrea sa harapan mo ay amoy na amoy ang mabango at mamahaling pabango nito. Thanks to their parents na uber supportive sa luho ng kapatid niya.

Kaya nga niya naisipang magtrabaho ay dahil baka biglang maghirap ang pamilya nila dahil sa luho ni Kendrea. Siya naman ay basta kung saan siya kumportable na isuot dun siya. Hindi siya masyadong mahilig sa makeup. Blush on at lipstick ay okay na sa kanya. Kung minsan ay naglalagay din siya ng eye liner kapag trip lang niya.

Pero dahil nga magkakamukha sila ay naging hobby na din nila na magpanggap na bawat isa. Lalo na noong mga bata pa lang sila at may nagagawang kalokohan. Madalas silang mantrip noon. Kahit nga magulang nila ay pinagtitripan nila dahil hindi sila makilala ng mga ito.

“Si Kendrea na lang” ungot nito.

“Ayoko na magpanggap si Kendrea na ako. Baka magulat na lamang ako na marami na pala akong kaaway. You are the only person na pwede kong lapitan Kenzie” pagsusumamo niya.

“Eh bakit ba kasi kailangan kong magpanggap na ikaw?”

Lihim na napangiti si Kendall. Alam niya na papayag na ang kakambal niya. Masyadong mabait si Kenzie kaya alam niyang hindi siya matitiis nito.

“Interview ko kasi bukas ng 2:00PM. Eh kailangan ko pumasok sa History Class ko kasi may exam kami. Diba wala ka namang klase nun?” talagang inalam niya ang schedule ng kakambal niya kaya alam niyang wala itong kawala.

“So magpapanggap ako na ikaw at papasok sa klase mo at magtetake ng exam mo. Ganun ba?” kumpirma nito.

“Bongga! Ganun nga. Madali lang diba?”

“May choice ba ako?”

“Wala. Ang bait mo talaga!!! Thank you.” Tuwang tuwang sabi ni Kendall at niyakap ang kapatid. “Hayaan mo sa unang sahod ko ililibre kita”

“Sahod ka kagad eh hindi ka pa nga natatanggap eh. Interview ka pa lang” kontra nito.

“Wag ka nga dyan! Matatanggap ako dun okay. Wag kang nega”

“Oo na. Sige na umalis ka na at iniistorbo mo na ako.” Pagtataboy nito sa kanya.

“Oo na. Basta dating gawi ah. Wag kang magpapahalata na hindi ikaw ako or else dalawa tayong malilintikan.”

“Ako pa. Ayoko yatang mapahamak noh. Basta papasok ako sa klase mo at mageexam. Tapos uuwe na ako. Bahala ka na.”

“Oo. Yun lang naman ang klase ko eh kaya pwede ka na umuwe after nun.” Aniya at naglakad palabas ng silid. Subalit bago siya tuluyang lumabas ay bumaling siya muli sa kapatid.

“Kenzie”

“Oh? Akala ko umalis ka na”

“Hindi ka masyadong excited na palayasin talaga ako noh?”

“Anong sasabihin mo?”

“Huwag mo masyadong galingan yung exam ko. Baka hindi maniwala si Prof eh. Yun lang” aniya at tuluyan nang lumabas ng silid nito.

Napangiti na lang si Kendall. Solved na ang problema niya. May tiwala siya kay Kenzie na magagawa nito nang maayos ang pagpapanggap. Kabisado naman na siya nito. Ang interview nalang niya ang dapat niyang pagtuunan ng pansin.

+++++

Malapit nang matapos ang last subject ni Kenzie. 12:00PM ang tapos ng klase niya. 2:00PM anman ang klase ni Kendall. May dalawang oras pa siyang natitira bago mag-ayos. Ipinasya niya muna na tumambay sa library. Dun ang lugar na alam niyang walang mang-iistorbo sa kanya.

“Get away Nerd” pagtataray sa kanya ng babaeng nakasalubong niya sa hallway.

Parang sira ang mga ito. ANg laki laki ng space ay talagang sa harapan pa niya pumuwesto ang mga ito. Mukhang balak talaga siyang pagtripan. Ito rin ang mga babaeng bumunggo sa kanya nung isang araw eh.

Ano bang problema nila sakin? Bakit ba nila ako pinapansin?

Mas gusto niya na hindi mag-exist sa school na ito. Okay lang sa kanya kung walang pumansin sa kanya. Masaya na siya dun. Kaya hindi siya sanay sa atensyon. Pero sanay na siyang mabully kaya balewala na lang iyon sa kanya.

Hindi nagsasalita na tumabi siya upang makadaan ang mga ito. Subalit sadyang nag-aasar yata at hinarangan siya ulit.

“Hindi ba sabi ko tumabi ka? Or better yet lumayas ka sa harapan ko. Panira ka ng environment eh!” pagtataray ulit nito at tinulak ba siya sa balikat niya.

Hindi naman niya pinatulan ang mga ito. Ayaw niya ng gulo. Hindi siya kasing maldita ni Kendrea at lalong hindi siya kasing tapang ni Kendall.

“Hoy! Ano yan?!” mula sa kung saan ay may narinig silang sumigaw.

Pansin ni Kenzie na biglang namutla ang tatlong babae sa harapan niya.

“C-C-Cl-Cloud” namumutlang sabi ng mga ito.

Nagtatakang sinundan naman ng tingin ni Kenzie ang tinitignan ng mga ito. Nakita niyang palapit sa kanila ang isang lalaki. Base sa aura nito at sa takot na pinapakita ng mga malditang babae sa harapan niya ay mukhang ito ang hari ng eskwelahan nila. Nakakakuha na din sila ng atensyon mula sa ibang mga estudyante.

Teka! Siya din yung parang tanggang lalaki na tawa ng tawa nung nalaman niya na kakambal ako ni Drea.

Bakit ba sa tuwing mabubully siya ay bigla na lamang sumusulpot ang lalaking ito?

“Di ba pinagsabihan ko na kayo? Bakit nambubully na naman kayo ha?! Hindi niyo ba alam na ako lang ang may karapatan na mambully sa eskwelahang ito?! Lalaban ba kayo ha?!” sigang sabi nito sa tatlo.

“A-aah hindi naman namin siya binubully eh. Kinakausap lang naman namin siya” pagtatanggol ng isa sa sarili nito.

“Wow! At talagang sumasagot ka pa?”

“S-So-Sorry” nagmamadali na itong hinila ng mga kasama nito. Tila takot na takot ang mga ito sa lalaking dumating.

Para silang tanga

Napailing na lang si Kenzie at maglalakad na sana palayo sa lugar na iyon nang siya naman ang balingan nung lalaking mayabang.

“At saan sa tingin mo ikaw pupunta?” tanong nito sa kanya at may nang-uuyam na ngiti sa mukha nito.

Hindi nagsasalita na tinuro lang niya ang daan papuntang library.

“Library? Well, mukhang dun ka nga nababagay sa hitsura mong iyan” pang-aasar pa nito.

Hahakbang na sana ulit si Kenzie palayo nang pigilan siya nito. Hinawakan nito ang braso niya at iniharap sa mga estudyanteng kasalukuyang naonood sa kanila. Hiyang hiya naman ang pakiramdam ni Kenzie. Gusto na niyang mag-teleport paalis sa lugar na iyon.

“Attention everyone!” tawag pansin ng binata sa mga tao doon. Agad namang natutok ang atensyon ng lahat dito. Halatang ilag o takot ang lahat sa kanya dahil itinigil pa talaga ng iba ang mga ginagawa nila para lang pakinggan kung anuman ang sasabihin nito.

Teka nga! Mag-speech ba siya? Bakit kailangan pa niya akong hawakan? Ipapahiya niya ba ako sa harapan ng mga taong ito?

“Simula sa araw na ito, walang sinuman sa inyo ang pwedeng umapi, mangtrip o mambully sa babaeng ito. Aag sinuman na malalaman ko na lumabag sa utos ko ay ako ang makakalaban! Maliwanang ba?!” sigaw nito. Natahimik naman ang lahat. Siya naman ang binalingan nung lalaking mayabang. “Ako lang ang may karapatang mantrip sayo. Naiintindihan mo?” sabi nito sabay tawa nang parang wala ng bukas.

Nang makuntento ito na pagtawanan siya ay binitawan na din nito ang kamay niya. Agad na umalis si Kenzie sa lugar na iyon. Hiyang hiya siya!

+++++

Dahil sa nangyareng gulo dala nung lalaking mayabang ay hindi na itinuloy ni Kenzie ang balak na pagtambay sa library. Wala na siyang oras. Isang oras na lamang at magsisimula na ang klase ni Kendall. Hindi pa siya nakakapag-ayos.

Agad siyang pumasok sa Restroom na naroon sa building ng kalse nila Kendall at dirediretso sa cubicle. Mabuti na lamang at walang tao kaya walang nakakita sa kanya. Inilabas niya ang mga gamit na kinuha niya sa kapatid.

Ang suot na loose blouse ay pinalitan niya ng isang hapit na t-shirt. Yung mahabang palda niya ay pinalitan niya ng pantalong maong na may butas sa tuhod. Ang flat doll shoes niya ay pinalitan niya ng rubber shoes. Mabuti na lamang at magkakasing sukat sila ng katawan tatlo kaya hindi na nahirapan pa si Kenzie sa mga damit ni Kendall. Ang buhok niyang nakabraid ay tinali niya ng ponytail. Inalis din niya ang salamin sa mata at naglagay ng plain na contact lense. Kahit na naiirita siya sa Contact lense ay wala siyang choice dahil sadyang malabo ang mga mata niya. Wala siyang makikita kapag hindi siya nagsuot nito. Inilabas din niya ang ilan sa accessories ni Kendall na kinuha niya sa silid nito. Nagpahid din siya ng konting lipstick at pulbos sa mukha. Natural na mamula mula ang pisngi niya kaya hindi na siya naglagay ng blush on. Hindi rin naman siya marunong. Baka magmukha pa siyang sinampal. Hindi na rin siya naglagay ng eyeliner baka matusok pa ang mata niya.

Satisfied sa sarili na napangiti si Kenzie sa salamin.

“Okay! Ako na si Kendall!”

+++++

Napatingin ang lahat ng dirediretsong pumasok si Kendrea sa loob ng classroom at nilapitan ang nag-iingay na si Cloud. May binubully na naman itong estudyante. Hinampas nito ng hawak na shoulder bag ang binata. Halatang nagulat naman ito maging ang ibang mga estudyante na naroon.

Napangiti si Cloud nang makilala kung sino ang walang babalang humampas sa kanya.

“Anong maipaglilingkod ko sa mahal na prinsesa?” nang-aasar na sabi ni Cloud at yumuko pa sa harap ni Kendrea.

Isang hampas na naman ang iginanti dito ng dalaga. Kung ang ibang mga tao ay takot at ilag kay Cloud ay hindi ganun si Kendrea. Hindi siya natatakot dito. Kahit pa sabihing apo ng may-ari ng eskwelahan si Cloud ay wala siyang pakialam. Dahil kung sikat si Cloud ay sikat din siya. They are the tandem of the school. King Bee and Queen Bee. Kinatatakutan, kinaiingitan, hinahangaan.

“I heard what you did this morning” pagtataray ni Kendrea dito.

“I see. Ang bilis talaga kumalat ng balita. Masyadong madadaldal ang mga bubuyog natin” tila balewalang sabi nito at itinaas pa ang kamay sa ibabaw ng upuan.

“Stop bothering my sister Cloud. Huwag mo siyang idamay sa mga kalokohan mo” banta niya sa binata.

“Wow! Acting like a good sister now?” nag-aasar na sabi ni Cloud. “Hindi bagay sayo Drea. Why don’t you just go shopping?”

“I’m serious Cloud. Kung anuman ang binabalak mo kay Kenzie, you better stop it now. Kung ayaw mong ako ang makalaban mo.”

Tumayo si Cloud at inakbayan ang dalaga.

“Relax Drea. I’m just saving your little sweet twin sister sa mga nambubully sa kanya. Mula ngayon, wala nang mang-aaway sa kanya. Isn’t that great?”

Tinanggal naman ni Kendrea ang kamay ni Cloud sa balikat niya.

“By being your own personal toy? Kenzie maybe nerd, weird and sometimes scary, but she’s still my twin sister. At kapag nalaman ni Kendall ang ginawa mo. I’m sure hindi ka rin palalagpasin nun.”

“Bakit ganyan kayo? You think I’m so evil?”

Taas ng kilay ang isinagot dito ni Kendrea.

“Worry your own business Drea, and I worry mine. That’s fair right?”

“Fine! But don’t you dare do anything foolish. Hindi talaga kita palalagpasin.” Banta ni Kendrea at naglakad na palabas ng classroom.

“I love you too Drea!” nang-aasar na pahabol pa ni Cloud dito.

Inilabas ni Cloud ang isang litrato.

“Interesting” anito na may nang-aasar na ngiti sa labi.

+++++

Nakasimangot si Kendrea nang lumabas sa classroom nila Cloud. Naiinis siya kung bakit kailangan pang pagtuunan ng pansin ni Cloud si Kenzie. Dati rati naman ay walang pakialam si Cloud sa ibang tao. Pero bakit ngayon idineklara pa nito na walang ibang pwedeng mambully kay Kenzie maliban dito. It’s as if he’s claiming that Kenzie is his. It’s as if they have a relationship para maging protective si Cloud kay Kenzie.

Kahit pa sabihin na pagtitripan at ibubully din naman ni cloud si Kenzie at hindi naman liligawan eh naiinis pa rin siya. Ano bang meron si Kenzie para pansinin ng isang Cloud Gustin?!

Kung hindi nga lang siya sikat sa school ay baka hindi rin siya pagtuunan ng pansin ni Cloud. Baka tulad lamang siya ng ibang babae na nagkakagusto dito. But she has an advantage to them. She is the Queen Bee of the school. And she likes Cloud. Not because she loves him but she likes Cloud because of his popularity. Aside from being handsome, Cloud is rich and famous. They are a good couple.

Perfect couple.

At hindi siya papayag na pagtuunan ng pansin ni Cloud ang nerd na kakambal niya.

Wala naman siyang problema kay Kenzie. Mahal din naman niya ang mga kakambal niya kahit na hindi niya ipinapakita. Pero sa ginawang pagpapakita ng interes ni Cloud kay Kenzie. Naiinis talaga siya.

Sobrang naiinis siya!!!!

“Hi Kendrea”

Nagulat ang dalaga sa biglang pagsulpot ng bestfriend ni Kendall sa harap niya. Well, she forgot his name. Basta alam niya bestfriend ito ni Kendall.

Hindi pinapansin na nilagpasan lang niya ito at dirediretsong naglakad. Agad naman siyang sinundan ng binata.

“Kendrea. I said Hi.” Ulit nito.

Huminto siya at tinaasan niya ito ng kilay.

“And so?”

“When someone said Hi, you should say Hello”

“Bakit? Required ba na kausapin kita?” pagtataray niya dito. Hindi niya alam kung sadyang mandid ba ito at ayaw makahalata na wala siyang panahon na kausapin ito.

“Hindi naman. Pero bestfriend ako ng kakambal mo at kahit papaano ay magkakilala naman na tayo. So, hindi naman siguro masama na magbatian tayo kapag nagkasalubong diba?”

“Why are you making such a big deal of it?! Bestfriend ka ni Kendall but it doesn’t mean that we’re friends. I don’t even know your name!” tila naiinis na sabi pa ni Kendrea.

Badtrip na nga siya kay Cloud at kay Kenzie dadagdagan pa nung lalaking kaharap niya ngayon.

“Gavin”

“What?!” nagtatakang tanong niya.

“Gavin. My name is Gavin”

Napabuntong hininga si Kendrea.

“Look Gavin, or whatever your name is, I don’t care who you are. Just please get out of my sight” panonopla niya at nagsimula na ulit humakbang paalis. Pero agad din siyang lumingon sa binata “And don’t you dare follow me again.”

Naiwan namang natulala si Gavin. Aware na siya na may pagkamaldita talaga ang kakambal ni Kendall pero hindi niya ineexpect na sa unang attempt palang niya na makipagkaibigan dito ay sopla na agad siya. Mukhang tama si Kendall, kakailanganin niya ng matinding willpower at pasensya kung gusto niya talagang turuang maging mabuting tao si Kendrea.

“Sus! Sisiw” natatawang sabi niya sa sarili.

Humakbang na siya papunta sa school building nila. May exam pa sila ngayon at ayaw niyang mahuli sa klase. Sa paglalakad niya ay isang pamilyar na tao ang nakita niya.

“Kendall” tawag pansin ng binata subalit tila hindi siya narinig nito. Tumakbo siya para maabutan ito. Mukhang nagmamadali din kasi ang bestfriend niya. Baka hinabol at kinulit na naman nito si Logan.

“Hoy! Kendall” bati niya at tinapik ito sa balikat.

Mukha namang tanga ang bestfriend niya na natulala sa pagkakatingin sa kaniya. Lingid sa kaalaman ni Gavin ay hindi si Kendall ang kaharap niya ngayon kundi si Kenzie na nagpapanggap na si Kendall.

“Mukha kang tanga dyan. Kanina pa kita tinatawag eh. Tara sabay na tayo pumuntang classroom” ani ni Gavin at inakbayan si “Kendall”

Pilit namang pinakalma ni Kenzie ang sarili. Hindi siya dapat magpahalata na hindi siya si Kendall lalo na sa harapan ni Gavin. Pero shaking animals! Ngayon lang siya naakbayan ng isang lalaki. At si Gavin pa! Si Gavin pa!!!!!

Kahit hindi mo na ako ilibre sa sahod mo Kendall okay lang

“Alam mo nakasalubong ko si Kendrea. Ang taray pala talaga nung kakambal mo na yun noh? Sinopla agad ako eh.” Kwento ni Gavin habang naglalakad sila.

“Ahh…ganun talaga yun. Wala ng bago dun.” sagot niya. Kaboses naman niya si Kendall at Kendrea kaya walang problema. Kailangan niya lang gayahin ang paraan ng pagsasalita ni Kendall.

“Pero hindi pa rin ako susuko. Magiging mabuting tao ang kakambal mo na yun.” Pangako ni Gavin.

Patuloy lang naman si Kenzie sa pakikinig sa nagsasalitang binata. Maya maya ay napahinto ito sa paglalakad kaya huminto din siya.

“Bakit?” tanong niya dito. Bigla din kasing natahimik ang binata.

May tinuro ito sa likod niya.

“Si Logan oh.”

Napakunot ang noo ni Kenzie at huli na para mapigil niya ang salitang lumabas sa bibig niya.

“Sinong Logan?”

+++++