Sunday, January 27, 2013

Para Sa'yo Aking Kaibigan

Sa pagdaloy ng luha sa iyong mga mata
Aking nabanaag ang sakit at pagdurusa
Di man batid dahilan ng iyong pighati
Ako'y nandirito, sa sakit handang makihati


Luha sa iyong mata'y aking pupunasan 
Lungkot sa iyong mga labi'y papalitan
Sugat sa puso'y aking pilit lulunasan
Gagawin lahat ng iyan sumaya ka lamang


Masakit makitang ika'y nahihirapan
Mula sa pagsubok na iyong pilit nilalabanan
Ngunit ika'y wag mawala ng pag-asa
Dahil ako'y nandirito handa sa'yong sumama


Anuman ang problemang iyong kakaharapin
Andito lang ako upang ika'y laging palakasin
Di ka iiwan, ika'y laging pangingitiin
Sakit at pait sayong puso'y papawiin


Anuman ang magyari, laging tatandaan
Anuman ang problema'y kayang solusyunan
Kaya't wag nang mangamba, aking kaibigan
Kalungkutang bumabalot sa'yo, sabay nating wawakasan

3 comments:

Say something if you like this post!!! ^_^