Love at Second Sight : Chapter 24

CHAPTER 24

( Aeroll’s POV )

Nasa isang air-conditioned room silang apat ngayon. Over night sila sa resort kaya kumuha sila ng one room for four. Katatapos lang nilang mag-dinner, balak nilang mag-swimming uli pero magpapahinga muna sila. Naglalaro sila ng baraha habang nagpapababa ng kinain. Unggoy-ungguyan ang laro nila.

“Ano ba ‘yan! Ako na naman ang unggoy!” reklamo niya. Papahidan ng lipstick ang mukha ng magiging unggoy. Puno na ng lipstick ang mukha niya. Para na nga siyang lipstick na tinubuan ng mukha. Ang lakas ng tawa ng tatlo niyang kasama matapos pahidan ng mga ito ng lipstick ang mukha niya. Mero’n ding pahid ng lipstick ang mukha ng mga ito. Pero mga tatlo o apat lang.

“Mukha ka kasing unggoy, insan.” pang-aalaska ni Harold sa kaniya.

 “Sa gwapo kong ‘to.”

“Gwapo? Ikaw?” sambit ni Pricess. Tiningnan pa nito ang mukha niya. “Mukha ka ngang…” Hindi na nito naituloy ang sasabihin nito dahil humagalpak na ito ng tawa.

“Sige lang tawa pa.” inis na sambit niya.

Tiningnan uli nito ang mukha niya habang natatawa. Lalo pa itong natawa. Napahiga pa ito sa carpet na inuupuan nila habang tawa ng tawa. “Ang sakit na ng tiyan ko…ayoko na…”

Grabe ‘tong babaeng ‘to. Kung makatawa wala ng bukas. Ngayon lang ba ito tumawa at bigay na bigay? Nang may maisip siya. Sinenyasan niya si Cath na nakangiti habang nakatingin kay Princess na ngayon ay nagpagulong-gulong na sa carpet.

“Bakit?” mahinang tanong ni Cath.

“Get your camera.” mahinang sambit niya sabay turo kay Princess.

Na-gets nito ang gusto niyang gawin dahil tumayo na ito at kinuha ang camera nito. Nilapitan niya si Princess. “Hindi ka pa din titigil?” tanong niya.

“Huwag mo ngang ilapit…yang mukha mo…para kang…ewan sa itsura mo…” natatawang sambit nito.

“Ayaw mo talaga, hah. Sige, gusto mo ‘yan, eh.” Kiniliti niya ito, tutal naman ayaw nitong tumigil sa kakatawa.

“Aeroll! Ayoko na!” Natanggal na ang eyeglass nito.

“Hindi. Gusto mo pa, eh.”

“Ayoko na! Hindi na ako makahinga!” Pero patuloy pa din naman ito sa pagtawa. Nakadinig siya ng ilang click ng camera. Napalingon siya kay Cath.

“Ang ganda naman ng kuha ninyo dito.” sambit ni Cath.

“Patingin nga honey.” Lumapit si Harold dito. “Ang ganda nga. Bagay kayo, ah.”

“Hoy ano ‘yan? Patingin nga.” sambit ni Princess. Tumigil na ito sa paghalakhak nitong wala ng bukas.

“Patingin nga din.” Lumapit siya sa mga ito. Nagkauntugan pa sila ni Princess dahil sabay pa silang lumapit kay Cath.

“Ouch!”

“Sorry, prinsesa.” Hinaplos niya ang noo nitong tumama sa noo niya. “Masakit ba?”

Umiling lang ito habang nakatingin sa kaniya. At dahil wala ang eyeglass nito, kitang-kita niyang bakas pa din sa mga mata nito ang tuwa gawa ng paghalakhak nito kanina. Hindi niya tuloy mapigilang haplusin ang mga mata nito. Pero bago pa niya magawa ‘yon ay may nadinig siyang malakas na tikhim mula sa gilid nila.

“Ehem! Ehem! May tao pa po dito children.”

Sabay silang napalingon kina Harold at Cath, ang lapad ng ngiti ng dalawa.

“Ahm, maghihilamos na ‘ko.” paalam ni Princess. Isinuot nito ang eyeglass nito. Tumayo na ito at dumeretso ng restroom.

“Ngayon mo sabihin—”

“Patingin nga ng picture.” putol niya sa iba pang sasabihin ni Harold sa kaniya.

“May araw ka din, insan.”

Kumunot ang noo niya. “Araw para?”

“Basta.” Tumayo na ito. Binalingan nito si Cath na ngiting-ngiti lang. “Honey, maghilamos ka na din. Magsi-swimming na tayo.” Pumasok na ito sa isa pang restroom na nasa loob ng room ding ‘yon.

“Thank you, Aeroll.” sambit ni Cath.

“For what?”

“For making my bestfriend laughed like this.” Inabot nito ang camera sa kaniya.

Napangiti siya habang nakatingin sa kuha nila ni Princess. Ang gwapo ko talaga kahit puno ng pahid ng lipstick ang mukha ko. At ang ganda ng tawa ni Princess dito. Buhay na buhay.

“Ngayon lang ba siya tumawa ng ganito na parang miss na miss niya ang pagtawa?” tanong niya nang hindi inaalis ang tingin sa kuha nila ni Princess.

“Nakakatawa naman. Kapag kaming dalawa lang. Pero maliban sakin, alam kong ngayon lang siya tumawa ng ganyan.” Tumayo na ito. “Nang dahil sa ibang tao.”

Kumunot ang noo niya. Napatingin siya dito. “Nang dahil sa’kin?”

“Sino pa ba?”

Pumasok na ito sa nakabukas na restroom na pinasukan ni Harold. “Umusad ka nga, Harold. Ako naman. Malunod ka diyan sa tabo. Saka wag kang mag-aksaya ng tubig.”

“Opo, honey. Masusunod po kayo.”

Ibinalik niya ang tingin sa camera. Napangiti siya. “Nang dahil sakin.”

( Princess’ POV )         

KAYO na ang sanay lumangoy. Kayo na ang nakakapunta sa malalim. Ako na ang langoy aso. Ako 

na ang parang batang nandito sa mababaw, maktol niya sa isip habang nakatingin sa tatlong naglalanguyan sa malalim na bahagi ng pool.  Nasa four feet lang siya. Samantalang ang mga ito, nasa eight feet ata.

Hindi na siya pinilit ng mga itong sumama sa mga ito. Buti naman. Dahil pagkakaltukan niya ito pag pinilit pa siya.

Sinubukan niyang mag-floating pero ayun, lumubog lang siya. “Hay naku, Princess. Huwag ka ng magtangka.”

Sinubukan naman niyang sumisid, pero umaangat naman agad siya. “Okay, Huwag nang ipagpilitan ang hindi kaya.” Nakuntento na lang siyang tumayo at nilubog ang katawan sa tubig hanggang leeg niya. Malamig na kasi. Alas otso na ata ng gabi.

“Hi miss!”

Napalingon siya sa likuran niya. Isang lalaki ang nabungaran niya. May itsura ito kaya lang sa mga ngiti nito sa kaniya at sa hagod ng tingin nito sa katawan niya. Mukha itong manyakis!

Lumubog uli siya sa tubig. Naka-short naman siya kaya lang manipis naman ang ipinangpatong niyang pang-top sa swimsuit niya. Umatras siya ng ilang hakbang.

“Alone, miss?”

“I’m not alone.”

“She’s with her boyfriend and that’s me.” Napalingon siya sa likuran niya. Sa taong bigla na lang umakbay sa kaniya.

( Aeroll’s POV )

“INSAN, tingnan mo.”

“Ang?”

“May lumapit sa prinsesa mo.”

Napalingon siya sa lugar na Princess na pinag-iwanan nila kanina. Sa mababaw lang ito. Hindi na niya pinilit itong sumama sa malalim. Baka masabihan na naman siyang insensitive nito. Kumunot ang noo niya ng makitang may lumapit na lalaki dito. Mabilis siyang lumangoy palapit dito.

Nadinig pa niyang tinawag ni Harold ang lumalangoy na si Cath. “Honey, tara dito. May panonoodin tayo.”

Nakalapit na siya dito kaya nadinig pa niya ang sinabi ng lalaki.

“Alone, miss?” Nakangisi pa ito habang hinahagod ng tingin si Princess.

“I’m not alone.” sagot ni Princess.

Sumingit na siya. Hinawakan niya ang magkabilang balikat ni Princess. “She’s with her boyfriend and that’s me.”

Napalingon ito sa kaniya. “Aeroll.”

Nginitian niya ito. “Kaya ayokong iniiwan kang mag-isa. Tingnan mo tuloy, ilang minuto lang akong nawala,” Tiningnan niya ang lalaki. “,may umaaligid na agad sa'yo."

“Ah, sorry, pare. I don’t know na may boyfriend na pala siya.”

“Ngayong alam mo na, alam mo na siguro ang dapat mong gawin. Back off.”

“S-sorry.” Lumangoy na ang lalaki palayo sa kaniya.

Binalingan niya si Princess. “Ba’t ganyan ka?”

“Anong ganito?”

“Bakit ‘pag ako nagagawa mo akong sagut-sagutin, sungitan at tarayan? Tapos ‘yong lalaking ‘yon, wala ka man lang ginawa.”

Humalukipkip ito. “Pa’no ko magagawa ‘yon eh bigla ka namang dumating? Sumingit ka na agad. Nagpakilala ka pang boyfriend ko. Sana pinabayaan mo muna ako. Sige, pabalikin mo ‘yong manyak na ‘yon, saka ko siya susungitan at tatarayan. Hindi lang ‘yan, makakatikim pa siya ng gulpi de gulat. ‘Yon ba ang gusto mo? Sige, pabalikin mo!”

Kumunot ang noo niya. “Manyak? May ginawa ba siya sa’yo?”

“Hah? Ano namang gagawin no’n sakin? Baka bago pa siya makalapit sakin, nasipa ko na ang balls niya ‘no!”

Hindi niya mapigilang matawa sa sinabi nito. Seryoso pa ito habang sinasabing sisipain ang balls ng lalaki.

“Anong itinatawa-tawa mo?”

“Wala. Tara na nga.”

“Anong tara?”

“Doon kina Cath.”

“Ano? Ayoko nga.” Todo-iling nito.

“Akong bahala sa’yo. Ayoko namang iwan ka dito.” Napalingon siya sa nilanguyan ng lalaki kanina. Bago ibinalik ang tingin kay Princess. Baka bumalik pa ‘yong mokong na ‘yon.

“Bhest! Tara na nga dito!” sigaw ni Cath.

“Oh, tinatawag ka na ng bestfriend mo. Tara na.” Inilahad niya ang kamay niya dito. Napatingin ito sa kamay niya at sa kaniya.

Napabuntong-hininga ito. “Hindi ako sanay lumangoy. Baka malunod ako pag nasa malalim tayo.”

Hinaplos niya ang ulo nito. “Don’t worry. Ang prinsipe mo ang bahala sa’yo, prinsesa.”

Tinabig nito ang kamay niya. “Prinsipe ka diyan!”

Napangiti siya. “Alipin na lang. Gwapong alipin. Ano na, tara na.”

Napangiwi ito. “Dito na lang ako.”

“Ayoko.” Napatigil siya sa sinabi niya. “I mean, hindi pwede.”

“Baka kasi…”

“Hindi ko na tatanungin ang dahilan kung bakit ka takot sa malalim kaya tara na.” Dahil parang nakukuha ko na. I just need confirmation from you. Pero hihintayin na lang kita na ikaw mismo ang kusang mag-kwento sakin.

Napayuko ito. “Muntik na kasi akong malunod dati…”

Sabi ko na nga ba. Inangat niya baba nito. “Don’t worry, panlaban ako sa swimming dati sa school namin. Hindi ka malulunod basta ako ang kasama mo. Hindi ko hahayaang malunod ka. Mas mauuna akong malunod kesa sa’yo. Kaya tara na.” Hindi niya alam pero kusang lumabas sa mga labi niya ang mga salitang ‘yon. Wala siyang panahong i-analyze ang mga sinabi niya.

“No!”

Nagulat siya sa tono ng pananalita nito. “What?”

“Hindi pwedeng malunod ka ng dahil sakin. O kahit na sino! Ayoko ng mangyari ‘yon! Ayoko na!” Mabilis itong lumayo sa kaniya at umalis sa pool. Nagtatakbo ito palayo.

Nakakunot ang noong sinundan niya ito ng tingin. “May sinabi na naman ba ‘kong mali?”

“Aeroll, nag-away na naman ba kayo ni bhest?” Napalingon siya kina Cath at Harold. Nasa likuran niya ang mga ito.

“I don’t know. Inaya ko lang siyang lumapit sa inyo. I just told her na mas mauuna akong malunod sa kaniya kaya…hay ewan! may mali ba sa sinabi ko?”

“Yeah.”

Kumunot ang noo niya. “Anong mali do’n?”

“Ayaw ko ng ikwento ‘to pero sige, sasabihin ko na din. Pero bago ‘yon, wag niyong ipapaalam na alam niyo na. Ayaw kasi ni bhest na kinukwento ko ang buhay niya sa iba. Gusto niya siya ang kusang nagku-kwento.”

“Ikwento mo na, honey.” pangungulit ni Harold dito.

Binalingan ito ni Cath. “Ikaw, Harold, wag kang madaldal, okay.”

“Opo, honey. Hindi ko po ida-daldal ang iku-kwento mo, promise.”

Tinapik ni Cath ang pisngi ni Harold. “Okay, naniniwala na ko sa’yo. Nag-promise ka na, eh.”

Sumingit na siya sa paglalambingan ng mga ito. “Guys, bago tayo langgamin dito sa pool, ikwento mo muna Cath kung anong mali sa sinabi ko.”

“Insan, pano’ng langgamin dito? Edi nalunod na yung mga langgam.”

“Sanay lumangoy ang mga langgam.” sambit niya.

“Kailan pa?”

“Ngayon lang.”

“Uy! Iku-kwento ko na.” untag sa kanila ni Cath. Sabay silang napalingon dito. Tumikhim muna ito bago nagsimula. “Kasi ganito ‘yon…”

. . .

May UD na po ang first FTV kong A Kiss click here for the Chapter 1!

A Kiss [FTV] COVER

May new short story po ko, pa-read din po, Dreaming ang title click here!

Dreaming COVER

Maraming salamat readers. muah! ♥♥♥

>>>CHAPTER 25 HERE